कोरेगाव पार्क परिसरात घरकामासाठी ठेवलेल्या एका कामगाराने आठ लाखांचे सोन्याचे दागिने चोरून नेल्याची घटना घडली. याप्रकरणी पसार झालेल्या परप्रांतीय कामगाराविरुद्ध गुन्हा दाखल करण्यात आला आहे. पोलिसांकडून फरार आरोपीचा शोध घेण्यात येत आहे.
.
सूरज डे (वय 23, रा. बाकुरा, पश्चिम बंगाल) असे गु्न्हा दाखल केलेल्या आरोपीाचे नाव आहे. याबाबत एका व्यावसायिकाने कोरेगाव पार्क पोलिस ठाण्यात फिर्याद दिली आहे. पोलिसांनी दिलेल्या माहितीनुसार, तक्रारदार व्यावसायिक कोरेगावप पार्क भागातील नेलर रस्त्यावरील एका सोसायटीत राहायला आहेत. आरोपी सूरज डे संबंधित व्यावसायिकाकडे कामाला आहे. डे याने व्यावसायिकाच्या कुटुंबीयांचे लक्ष नसल्याचे हेरून कपाटातील सात लाख 94 हजार रुपयांचे दागिने चोरुन डे पसार झाला.
दागिने चोरुन नेण्यात आल्याचा प्रकार उघडकीस आला आहे. त्यानंतर व्यावसायिकाने पोलिसांकडे तक्रार दिली. दरम्यान आरोपी पसार झाल्याने त्याचा शोध सुरू करण्यात आला आहे. कोरेगाव पोलिस ठाण्याचे पोलिस उपनिरीक्षक दीपक जाधव पुढील तपास करत आहेत.
दुसऱ्या घटनेत कोंढव्यातील गोकुळनगर परिसरातील एका घराचे कुलूप तोडून चोरट्यांनी एक लाख आठ हजार रुपयांचे दागिने चोरुन नेल्याची घटना घडली. याबाबत एका महिलेने कोंढवा पोलिस ठाण्यात फिर्याद दिली आहे. तक्रारदार महिला गोकुळनगर परिसरात राहायला आहेत. शुक्रवारी दुपारी चोरट्यांनी बंद घराचे कुलूप तोडले. कपाटातील सोन्याचे दागिने चोरून नेले.कोंढवा पोलिस ठाण्याचे पोलिस उपनिरीक्षक रवींद्र गावडे पुढील तपास करत आहेत.
भरधाव वाहनाच्या धडकेत कर्वे रस्त्यावर दुचाकीस्वाराचा दुर्दैवी मृत्यू
पुणे शहरातील कर्वे रस्त्यावर भरधाव वाहनाच्या धडकेत दुचाकीस्वाराचा दुर्दैवी मृत्यू झाल्याची घटना घडली आहे. याप्रकरणी वाहनचालकाविरुद्ध डेक्कन पोलिसांनी गुन्हा दाखल केला.केशव बाबुराव मुंगे (वय 51, रा. कुदळे पाटील आंगण, वडगाव बुद्रुक) असे मयत झालेल्या दुचाकीस्वाराचे नाव आहे.
याप्रकरणी वाहनचालकाविरुद्ध गुन्हा दाखल करण्यात आला आहे. याबाबत पोलिस शिपाई मुक्ता घोटे यांनी डेक्कन पोलिस ठाण्यात फिर्याद दिली आहे. पोलिसांनी दिलेल्या माहितीनुसार, दुचाकीस्वार केशव मुंगे हे कर्वे रस्त्यावरील स्वातंत्र्य चौकातून जात होते. त्यावेळी अज्ञात भरधाव वाहनाने दुचाकीस्वार मुंगे यांना धडक दिली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
