कौंडण्यपुर येथील श्री विठ्ठल रुख्मिणी संस्थानात रुक्मिणी मातेच्या दर्शन मूर्तीचे अनावरण करण्यात आले. या कार्यक्रमाला मोठ्या संख्येने भाविक उपस्थित होते.
.
कौंडण्यपुर हे माता रुक्मिणीचे पवित्र जन्मस्थळ आहे. येथून दरवर्षी पंढरपुरला जाणारी पालखी ही महाराष्ट्रातील सर्वात जुनी पालखी आहे. संत सदगुरू श्री सदराम महाराज यांनी १५९४ मध्ये सुरू केलेला हा पालखी सोहळा आजही अखंडपणे सुरू आहे. विदर्भातील हा एकमेव मानाचा पालखी सोहळा ३३ दिवस पायी चालत पंढरपुरपर्यंत जातो.
वैशाख शुद्ध द्वादशीला रुक्मिणी मातेच्या जन्मदिनी विशेष कार्यक्रम आयोजित करण्यात आला. अमरावतीचे अन्नदाते अविनाशराव देशमुख आणि त्यांच्या कुटुंबीयांच्या हस्ते श्री विठ्ठल रुक्मिणीची महापूजा झाली. संस्थानचे अध्यक्ष नामदेवराव अमाळकर व सचिव सदानंद साधु यांनी रुक्मिणी मातेच्या पूर्णाकृती दर्शन मूर्तीचे अनावरण केले.
कार्यक्रमाला संस्थानचे उपाध्यक्ष वसंत डाहे, विश्वस्त सत्यनारायण चांडक, सुरेश काका चव्हाण, डॉ. रामकृष्ण करडे, अतुल ठाकरे, अशोकराव पवार, व्यवस्थापक प्रशांत गावंडे यांच्यासह अनेक मान्यवर उपस्थित होते. भजन आणि महाप्रसादाने कार्यक्रमाची सांगता झाली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
