मराठवाडा बहुजन विकास आघाडीने शासनाच्या १७ जुलै २०२५ च्या गायरान अध्यादेशाविरोधात आवाज उठवला आहे. या अध्यादेशानुसार २०११ पूर्वीचे शासकीय पुरावे नसणाऱ्यांना गायरान जमिनीवरून हटवले जाणार आहे.
.
आघाडीचे अध्यक्ष रमेश गायकवाड यांनी महापालिका आयुक्त जी. श्रीकांत यांच्यावर कारवाईची मागणी केली आहे. त्यांच्या म्हणण्यानुसार रस्ता रुंदीकरण व अतिक्रमण हटाव मोहिमेत गरीब, दलित, मुस्लिम व छोटे व्यापाऱ्यांची घरे व दुकाने पाडण्यात आली. नुकसानग्रस्तांना कोणताही मोबदला देण्यात आला नाही.
संघटनेने अनेक महत्त्वाच्या मागण्या केल्या आहेत. यामध्ये गायरान व वन जमिनीवरील जुने ताबे कायदेशीर करणे, वनहक्क प्रकरणांचा निकाल लावणे आणि पदोन्नतीतील आरक्षण लागू करणे यांचा समावेश आहे. तसेच जनसुरक्षा कायदा रद्द करण्याची मागणीही करण्यात आली आहे.
झोपडपट्टीवासीयांसाठी पी.आर. कार्ड वाटप, रमाई, पंतप्रधान आवास व शबरी घरकुल योजनेंतर्गत १० लाख रुपयांचे प्लॉट खरेदी सहाय्य देण्याची मागणी करण्यात आली आहे. गेवराई बुकबॉण्ड महामार्गाला गावाबाहेरून वळण देण्याचीही मागणी करण्यात आली आहे.
या मागण्यांसाठी १८ ऑगस्ट २०२५ रोजी सकाळी ११:३० वाजता क्रांती चौक, छत्रपती संभाजीनगर येथे जेलभरो आंदोलन होणार आहे. या आंदोलनात मूळ आंबेडकरवादी आणि डाव्या पक्षाचे नेते सहभागी होणार आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
