गायीमुळं संपूर्ण गाव पोहोचलं रुग्णालयात, गावकऱ्यांच्या लांबच्या लांब रांगा, संभाजीनगरमधील अजब प्रकार

Chhatrapati Sambhajnagar: छत्रपती संभाजीनगर जिल्ह्यातील एका गावात अजब प्रकार समोर आला आहे. गायीमुळं संपूर्ण गावाला रुग्णालयात धाव घेण्याची वेळ आली आहे. जवळपास सगळं गावच शासकीय रुग्णालयात रेबिजचे इंजेक्शन घेण्यासाठी पोहोचले आहेत. नेमकं काय आहे हे प्रकरण, जाणून घेऊयात.

छत्रपती संभाजीनगरच्या मारोळा गावात एक आगळावेगळा प्रकार घडला आहे. आठ दिवसांपूर्वी गावातीलच एका गायीच्या वासराला पिसाळलेला कुत्रा चावला. सुरुवातीला कोणालाच या प्रकाराबाबत माहिती नव्हते. मात्र काल सकाळी या वासराचा मृत्यू झाला त्यानंतर या गावात एकच हाहाकार माजला. विशेष म्हणजे, वासरू गायीचं दूध पित होतं. त्यामुळं गायीला देखील रेबिजचे इन्फेक्शन झाल्याची अफवा पसरली.

गावात गायीला रेबिज झाल्याची अफवा पसरताच गावात एकच हाहाकार माजला. त्याला कारणही तसंच होतं. गाईचं दूध गावातील अनेक घरांना पुरवठा केला जात होता. त्यामुळं आपल्यालादेखील इन्फेक्शन होईल यामुळं गावकऱ्यांमध्ये भीतीचे वातावरण पसरले. त्यामुळं अख्खं गाव शासकीय रुग्णालयात रेबिजचं इंजेक्शन घेण्यासाठी पोहोचले. एकाच दिवसांत इतके रुग्ण शासकीय रुग्णालयात आले की रुग्णालयात इंजेक्शन पुरत नाही. लोक रुग्णालयात रांगा लावून इंजेक्शन घेत आहेत. मात्र या प्रकाराने एकच खळबळ उडाली आहे.

छत्रपती संभाजीनगरातील वैजापूरच्या शिऊर गावातून एक बुवाबाजीचा प्रकार समोर आला आहे. इथे एक बाबा अघोरी पद्धतीने सामान्यांवर उपचार करत होता. लग्न होत नाही, दारू सोडत नाही, भूतबाधा झाली आहे, अशा नागरिकांना मग ती महिला असो वा पुरुष तो त्याना काठीने मारायचा. महत्त्वाचं म्हणजे लोकही तिथे यायचे मात्र हा सगळा प्रकार अंधश्रद्धा निर्मूलन समितीने उघड केला. या घटनेचे व्हिडिओ व्हायरल झाले आणि त्यानंतर आता या भोंदू बाबावर गुन्हा दाखल झाला आहे.

संभाजीनगरमध्ये भोंदू बाबाचा प्रताप

छत्रपती संभाजीनगरातील वैजापूरच्या शिऊर गावातून एक बुवाबाजीचा प्रकार समोर आला आहे. इथे एक बाबा अघोरी पद्धतीने सामान्यांवर उपचार करत होता. लग्न होत नाही, दारू सोडत नाही, भूतबाधा झाली आहे, अशा नागरिकांना मग ती महिला असो वा पुरुष तो त्याना काठीने मारायचा. महत्त्वाचं म्हणजे लोकही तिथे यायचे मात्र हा सगळा प्रकार अंधश्रद्धा निर्मूलन समितीने उघड केला. या घटनेचे व्हिडिओ व्हायरल झाले आणि त्यानंतर आता या भोंदू बाबावर गुन्हा दाखल झाला आहे. संजय पगार असं या बाबाचं नाव असून त्याचे वय 48 वर्ष आहे. या बाबाचा लग्नाच्या वरातीत घोडे पुरवण्याचा व्यवसाय होता. मात्र गेल्या काही वर्षांपासून बिरोबा मंदिरात स्वतःचा दरबार भरवतो आणि लोकांवर उपचार करून पैसे कमवतो. धक्कादायक म्हणजे या बाबावर स्वतःच्या बायकोचा छळ केल्याचा आरोप आहे आणि त्याबाबत पोलिसांमध्ये गुन्हा सुद्धा दाखल असल्याची माहिती पोलिसांनी दिली.