देवेंद्र भटनागर | अहमदाबाद3 तासांपूर्वी
- कॉपी लिंक
‘आम्ही २०२१ मध्येही गुजरात टायटन्स फ्रँचायझी खरेदी करण्याच्या शर्यतीत हाेताे. ४,६५३ काेटी रुपयांची बाेलीही लावली हाेती. परंतु तेव्हा ते जमले नाही. यंदा सीव्हीसी ग्रुप व टाॅरेंट यांच्यात मैत्रीपूर्ण साैदा झाला आहे. फेब्रुवारीत लाॅक इनचा कालावधी संपताच अधिकृत साैदा हाेईल,’ हे वक्तव्य आहे टाॅरेंट समूहाच्या एका वरिष्ठ अधिकाऱ्याचे. त्यावरून तीन वर्षे जुन्या आयपीएलच्या गुजरात फ्रँचायझीचा नवीन बाॅस आता गुजरातचीच कंपनी असेल हे स्पष्ट झाले आहे. अहमदाबादचा टाॅरेंट ग्रुप व सीव्हीसी कॅपिटल पार्टनर यांच्यात आयपीएल फ्रँचायझी गुजरात टायटन्सला खरेदी करण्याचा करार झाला आहे. दाेन्ही समूहाच्या वरिष्ठ अधिकाऱ्यांनी हा साैदा तूर्त ‘फ्रेंडली शेकहँड’ पातळीवर झाला. कारण सध्या टायटन्सचा लाॅक इन कालावधी सुरू आहे. बीसीसीआयच्या नियमानुसार लाॅक इन अवधीदरम्यान काेणताही समूह आपली फ्रँचायझीची विक्री करू शकत नाही. हा कालावधी याच महिन्यात म्हणजे फेब्रुवारीच्या मध्यात संपेल. टाॅरेंटच्या सूत्रानुसार १५ फेब्रुवारीपर्यंत हा साैदा हाेऊ शकताे. साैद्याच्या रकमेविषयी गाेपनीयता बाळगण्यात आली आहे. परंतु एका अंदाजानुसार ६१०० काेटी ते ७८०० काेटी रुपयांपर्यंत ताे असू शकताे.
सीव्हीसी काही भागीदारी का विकतेय? लक्झेमबर्गचा सीव्हीसी समूह शेअर बाजारातील पॅटर्नवर संपूर्ण रणनीती तयार करून चालत आहे. त्यानुसार सध्या गुजरात टायटन्सची फ्रँचायझीची किंमत सुमारे ८५०० ते ९००० कोटी एवढी आहे. ३ हंगामात हा संघ एकवेळा जिंकला आणि १ वेळा उपविजेता ठरला आहे. सध्या त्याची ब्रँड व्हॅल्यू ६०६ कोटी आहे. सौदा होताच सीव्हीसीला हजारो कोटींचा नफा होईल.
टॉरेंट १०० टक्क्यांऐवजी ६०% भागीदारी करू शकते
दाेन्ही समूहाच्या सूत्रानुसार सीव्हीसी ग्रुप फ्रँचायझीची पूर्ण मालकी विकण्याऐवजी कन्ट्रोलिंग स्टॅक टॉरेंट ग्रुपला विकणार आहे. त्यामुळे टॉरेंट ग्रुप ६० टक्के भागीदारी खरेदी करेल. सीव्हीसी ग्रुपने २०२१ मध्ये त्याची ५,६२५ कोटी रुपयांत खरेदी केली होती. अदानी समूहही फ्रँचायझी खरेदीच्या शर्यतीत होता. २०२१ मध्ये अदानी समूहाने त्यासाठी ५,१०० कोटी रुपयांची बोली लावली होती. परंतु तेव्हा सीव्हीसी समूहाने बाजी मारली होती. आयपीएलचा १८ वा हंगाम २१ मार्चपासून सुरू होईल आणि २५ मे रोजी अंतिम सामना असेल. या हंगामात एकूण ७४ सामने खेळवले जातील.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
