प्रवीण तांडेकर (प्रतिनिधी) गोंदिया : शाळेतील विद्यार्थिनी आणि महिला शिक्षकांना कागदावर प्रशिक्षण दाखवून तब्बल 85 लाख उचलल्याचा आरोप करण्यात आलाय. संबधीत एनजीओ आणि जिल्हा परिषद अधिका-यांनी संगनमतानं पैसे उचलल्याचा आरोप करण्यात आलाय. आता याप्रकरणी चौकशी करून कारवाई करण्याची मागणी होतेय.
महिलांनी सक्षम व्हावं आणि त्यांना स्वत:ची सुरक्षा स्वत: करता यावी यासाठी महिला बाल विकास विभागाच्या वतीनं प्रशिक्षण कार्यक्रम आखण्यात आला. अनुसुचित जातींच्या विद्यार्थिनी आणि महिलांना जुडो आणि कराटेचं प्रशिक्षण देण्यासाठी एका एनजीओची नियुक्ती करण्यात आली. संबधीत एनजीओला प्रत्येक शाळेत जाऊन महिला शिक्षिका आणि विद्यार्थिंना 120 तास प्रशिक्षण देण्याचं बंधन होतं.. मात्र प्रत्यक्षात संबंधीत एनजीओनं प्रशिक्षण कागदावर दाखवलं. आणि संबंधीत एनजीओ आणि जिल्हा परिषदेतील अधिका-यांनी संगनमत करून तब्बल 85 लाख रुपये उचलल्याचा आरोप करण्यात आला.
गोंदिया जिल्ह्यातील हा धक्कादायक प्रकार आहे. कोणत्याही जिल्हा परिषद शाळेत प्रशिक्षण मुलींना स्वसंरक्षणाचे प्रशिक्षण देण्यात आलं नाही. मात्र प्रत्येक विद्यार्थीमागे मिळणारे पैसे उचलल्याचा आरोप करण्यात आला आहे. शाळेतील मुख्याध्यापकांनीही मुलींना प्रशिक्षण दिलं नसल्यांच्या आरोपांना दुजोरा दिला आहे.
हेही वाचा : मराठी न बोलता ‘Excuse Me’ बोलल्या म्हणून दोन महिलांना मारहाण, डोंबिवलीतील घटना
विद्यार्थिनींना प्रशिक्षण देण्यासाठीच्या कार्यक्रमासाठीचं टेंडर 2022-23 ला काढण्यात आलं आहे. प्रशिक्षण कालावधी 28 मार्च 2024 पर्यंत होता. आता या प्रकरणाची चौकशी करून कारवाई करण्यात येणार असल्याची माहिती अधिकाऱ्यांनी दिली. तीन एनजीओंना विद्यार्थिंना प्रशिक्षण देण्याचं काम देण्यात आलं होतं. मात्र प्रशिक्षण न देता संगमनत करून तब्बल 85 लाख रुपये लाटण्यात आले. त्यामुळे आता या प्रकरणाची सखोल चौकशी करून कारवाई करण्याची गरज आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
