संतोष देशमुख हत्या प्रकरणातील आरोपी वाल्मिक करडचा राईट हँड गोट्या गित्तेच्या दहशतीचा व्हिडिओ समोर आला आहे. गोट्या गित्तेचा आका जेलमध्ये असला तरी गोट्याची बीडमध्ये दहशत कायम आहे. रात्री आपल्या शत्रूच्या घरासमोर उत्तरकार्याचे ‘पिंड’ ठेवत गोट्या गित्ते दहशत निर्माण करण्याचा प्रयत्न करत आहे.
गोट्या गित्तेचं दहशतीचं ‘पिंडदान’
शत्रूच्या घरासमोर ठेवत होता उत्तरकार्याचे ‘पिंड’
गोट्या गित्तेला जेरबंद करण्याची मागणी
रात्रीच्या अंधारात परळीतल्या एका घरासमोर उत्तरकार्याचे पिंड ठेवणारा हा माणूस पाहा. जिवंत असलेल्या माणसाच्या घरासमोर त्याचेच पिंड ठेऊन दहशत माजवणारा दुसरा तिसरा कोणी नसून तो गोट्या गित्ते आहे. हा तोच गोट्या गित्ते आहे जो महादेव मुंडेंच्या हत्येतला संशयित आरोपी आहे.
दहशत माजवण्याची गोट्याची ही मोडस ऑपरेंडी होती
तो ज्याची सुपारी घ्यायचा त्याच्या घरासमोर पिंडदान करायचा
राम नाम सत्य है असा मंत्रजाप गोट्या गित्ते करायचा
जिवंतपणी आपलंच पिंडदान झाल्याचं पाहून भलेभले घाबरुन जात
गोट्या गित्तेपासून सुटकेसाठी जे हवं ते त्यांला मिळून जात असे
संतोष देशमुखांच्या हत्येत वाल्मिक कराडला अटक झाल्यापासून गोट्या गित्ते अंडरग्राऊंड झाला आहे. महादेव मुंडे यांच्या हत्येत गोट्या गित्ते संशयित आहे. गोट्या गित्तेबाबत सुरेश धसांपासून अंजली दमानियांपर्यंत सगळेच बोलत आहेत. पण गोट्या गित्तेला पोलीस अजूनही ताब्यात घेत नाहीत किंवा चौकशीही करत नाही. गोट्या गित्ते नावाचा एक गुंड हातात पिस्तूल घेऊन रिल बनवतो. सामान्य नागरिकाच्या घरासमोर उत्तरकार्याचे पिंड ठेवतो. अशा गुन्हेगाराला पोलीस चौकशीसाठीही ताब्यात का घेत नाही, सवाल विचारला जात आहे.
गोट्या गित्तेची कुंडली जेव्हा मांडली गेली ती कुंडली अतिशय धक्कादायक अशी आहे.
ज्ञानोबा मारुती गीते असं गोट्या गीतेचं खरं नाव
गोट्या गित्ते परळीतील नंदागौळ गावचा राहणारा
वाल्मिक कराडचा तो राईट हँड असल्याची चर्चा
परळीसह परभणी, लातूर, बीड, पिंपरी-चिंचवडमध्ये अनेक गुन्हे
संपूर्ण महाराष्ट्रातील अवैध शस्त्रांच्या रॅकेटचा तो सूत्रधार
बीडमधील पिस्तुलांचा मुख्य पुरवठादार असल्याची माहिती
गोट्या गित्तेवर गंभीर गुन्हे असतानाही तो मोकाट आहे. संतोष देशमुखांच्या हत्येनंतर परळीसह बीडमधील गुन्हेगारी मोडण्याची शपथ पोलीस अधीक्षक नवनीत कॉवत यांनी घेतलीय. पण गोट्या गित्तेसारखे अनेक संशयित गुन्हेगार मोकाट आहेत. कृष्णा आंधळे अजूनही पोलिसांना सापडत नाही. त्यामुळं परळी आणि बीडची गुन्हेगारी मूळापासून उखडून फेकण्याची फक्त सोंगं तर काढली जात नाही ना असा संशय व्यक्त केला जात आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
