ताडोबा-अंधारी व्याघ्र प्रकल्पाच्या सीमेवरील जिल्ह्यातील मूल तालुक्यात वाघाच्या हल्ल्यात ५२ वर्षीय महिलेचा मृत्यू झाला. ही घटना सोमनाथ पर्यटन स्थळाजवळील बाबा आमटे प्रकल्पाच्या वसाहतीत घडली. अन्नपूर्णा बिलोणे (५२) पती तुलसीराम बिलोणेसह बाबा आमटे प्रकल्प वसाहतीत राहतात. सोमवारी पहाटे ४.३० वाजता अन्नपूर्णा अंगणात भांडी घासत होत्या. त्याचवेळी वाघाने त्यांच्यावर अचानक हल्ला केला. अन्नपूर्णा यांच्या ओरडण्याचा आवाज ऐकून पती तुलसीराम तातडीने बाहेर आले. वाघाने अन्नपूर्णा यांच्या गळ्याला पकडले होते. न घाबरता तुलसीराम यांनी पत्नीला वाचवण्यासाठी तिचे पाय धरून खेचण्याचा प्रयत्न केला, पण वाघाच्या ताकदीसमोर त्यांचा जोर कमी पडला. शेवटी त्यांनी जवळच पडलेली काठी घेऊन वाघावर जोरदार हल्ला केला. या हल्ल्यानंतर वाघ तिथून पळाला. पण अन्नपूर्णा यांचा मृत्यू झाला होता. घटनेची माहिती मिळाल्यानंतर मूल पोलिसांसह मेजर राष्ट्रपाल कातकर, धनराज नेवारे, वेदनाथ करंबे घटनास्थळी पोहोचले. मृतदेह विच्छेदनासाठी उपजिल्हा रुग्णालयात पाठवला. दरम्यान, सडक अर्जुनी तहसीलमधील भद्रुटोला येथे वाघाने केलेल्या हल्ल्यात शेतकरी जखमी झाला. रामदास मन्साराम कापगते (४०) असे गंभीर जखमी झालेल्या शेतकऱ्याचे नाव आहे. साेमवारी दुपारी रामदास कापगते त्यांच्या शेताजवळ ही घटना घडली. चालू वर्षामध्ये तब्बल २९ नागरिकांचा मृत्यू चंद्रपूर जिल्ह्यामध्ये वर्ष २०२५ मध्ये आतापर्यंत एकूण २९ नागरिकांचा वन्यप्राण्यांच्या हल्ल्यात मृत्यू झाला ज्यामध्ये २७ वाघाच्या हल्ल्यात, एक अस्वल तर एक हत्तीच्या हल्ल्यात मृत्यू झाला. वन्यप्राण्यांचा बंदाेबस्त करावा, अशी मागणी सातत्याने नागरिक करत आहेत. मात्र, यावरा उपाययोजना होत नाही.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
