चंद्रभानजी विद्यालयातील 40 विद्यार्थी शासकीय सेवेत: खेळाकडे करिअर म्हणून पाहा, शिवछत्रपती पुरस्कारप्राप्त डॉ.व्यवहारे यांचे विद्यार्थ्यांना आवाहन – Amravati News

.

येथून जवळच असलेल्या कुंड सर्जापूर येथे चंद्रभानजी विद्यालय येथे जिल्हा क्रीडा अधिकारी कार्यालय आणि नेहरू युवा केंद्र यांच्या संयुक्त विद्यमाने उन्हाळी क्रीडा प्रशिक्षण शिबीर घेण्यात आले. या शिबिराचा समारोप नुकताच करण्यात आला. यावेळी प्रमुख अतिथी म्हणून ते बोलत होते. कार्यक्रमाच्या अध्यक्षस्थानी चंद्रभानजी विद्यालयाचे मुख्याध्यापक नामदेव चव्हाण होते. मंचावर ज्येष्ठ शिक्षक श्रीकांत लाजूकर व अमरावती जिल्हा वकील संघाचे उपाध्यक्ष ॲड आशिष लांडे उपस्थित होते.

डॉ. व्यवहारे यांनी पुढे बोलताना आतापर्यंत नोकरी लागलेल्या सर्व विद्यार्थ्यांचे कौतुक केले. शिवाय या शिबिराच्या माध्यमातून उत्कृष्टतेचा ठसा उमटवलेल्या विद्यार्थ्यांना स्पोर्टस किट देण्याचे जाहिर केले.ॲड. आशिष लांडे यांनी ग्रामीण भाग असताना सुध्दा कुंड सर्जापूर या गावात क्रीडा शिक्षकांनी एक क्रीडामय वातावरणाची निर्मीती केली, ही काही सोपी बाब नाही. आज या विद्यालयाचे १२०० हून अधिक विद्यार्थी राज्यस्तरावर,६५ हून अधिक विद्यार्थी राष्ट्रीय स्तरावर खेळले आहे, ही फार मोठी उपलब्धी आहे. विद्यार्थ्यांनी आपण ग्रामीण भागातील असल्याचा न्यूनगंड बाळगता कामा नये, खेळामध्ये आज अनेक संधी उपलब्ध आहे, त्याचा आपण फायदा घ्यावा तसेच सर्वांना याची माहिती द्यावी,असे आवाहनही त्यांनी केले.

अध्यक्षस्थानावरून बोलताना मुख्याध्यापक चव्हाण यांनी विद्यालय नेहमी खेळाला प्रोत्साहन देत आहे, आजवर अनेक विद्यार्थ्यांनी त्याचा लाभ घेतला आहे, येथे प्रवेशित होणाऱ्या नविन विद्यार्थ्यांनी सुध्दा त्याचा लाभ घ्यावा, असे आवाहन त्यांनी केले. गेल्या १७ वर्षांपासून शाळेच्या वतीने हे क्रीडा प्रशिक्षण शिबीर आयोजित होत असून यातूनच विद्यार्थी स्पर्धेकरिता तयार होत असतो. प्रास्ताविक शिबिराचे संयोजक व क्रीडा शिक्षक शरद गढीकर यांनी केले. संचालन व आभार प्रदर्शन आर.एस. मानकर यांनी केले. यावेळी शाळेतील शिक्षकवृंद ए.पी. मांगे, ए.व्ही. राजगुरे,के.एस. लाजूरकर, व्ही.के.राठोड यांच्यासह शिक्षकेतर कर्मचारी सी.ए.शेंडे व आर.एस.मडावी आदी उपस्थित होते.