भंडारा जिल्हा सहकारी बँक निवडणुकीत महायुतीप्रणीत सहकार पॅनलचे वर्चस्व दिसून आले. 21 पैकी 17 जागांवर विजय मिळवित बँकेवर पुन्हा सहकार्यातून सहकाराचा झेंडा फडकला आहे. राष्ट्रवादीचे नेते तथा बँकेचे विद्यमान अध्यक्ष सुनील फुंडे हे विद्यमान खासदार प्रशांत
.
भंडारा जिल्हा बँकेच्या उपाध्यक्षपदासाठी भाजपचे रुबी चड्ढा आणि प्रदीप पडोळे यांची नावे चर्चेत आहेत. मात्र, त्यावरून अजून शिक्कामोर्तब झाले नसल्याचे समजते. यावर महायुतीत खलबते सुरू असून लवकर या नावांची घोषणा होईल.
सुनील फुंडे
उद्या होणार निवड
भंडारा जिल्हा बँकेवर राष्ट्रवादीचे नेते खासदार प्रफुल्ल पटेल आणि भाजप नेते विधानपरिषद सदस्य डॉ. परिणय फुके व एकनाश शिंदे यांच्या शिवसेनेचे आमदार नरेंद्र भोंडेकर यांच्या सहकार पॅनेलने विजय मिळवला आहे. त्यांच्यापुढे काँग्रेसचे माजी प्रदेश अध्यक्ष तथा साकोलीचे आमदार नाना पटोले व काँग्रेसचे खासदार प्रशांत पडोळे यांच्या काँग्रेसप्रणित परिवर्तन पॅनलने निवडणुकीत आव्हान निर्माण करण्याचा प्रयत्न केला होता. मात्र, काँग्रेसला अपेक्षित यश मिळाले नाही. आता उद्या बुधवार, 13 आगस्ट रोजी भंडारा जिल्हा मध्यवर्ती बँकेच्या अध्यक्ष व उपाध्यक्ष पदाची निवड होणार आहे. यासाठी सहकार पॅनलकडून सोमवारी अध्यक्ष आणि उपाध्यक्षांच्या नावांवर शिक्कामोर्तब करण्यात आले. जिल्हा बँकेच्या अध्यक्षपदासाठी राष्ट्रवादीचे जिल्ह्यातील नेते सहकार महर्षी तथा बँकेचे विद्यमान अध्यक्ष सुनील फुंडे यांचे नाव निश्चित करण्यात आले. तर उपाध्यक्षपदासाठी मुख्यमंत्री देवेंद्र फडणवीस यांचे खास विश्वासू विधानपरिषद सदस्य परिणय फुके यांच्या खास मर्जीतील भाजपच्या शिलेदारपैकी एकाच्या नावावर शिक्कामोर्तब करण्यात आल्याची माहिती विश्वसनीय सूत्रांनी दिली.
रुबी चड्ढा
उपाध्यक्षपदासाठी ‘मर्जी’ महत्त्वाची?
भंडारा जिल्हा बँकेच्या अध्यक्षपदी राष्ट्रवादीचे सुनील फुंडे यांचे नाव अंतिम करण्यात आले आहे. तर उपाध्यक्ष पदासाठी भाजपच्या तीन नवनिर्वाचित संचालकांपैकी विधानपरिषद सदस्य डॉ. परिणय फुके यांच्या खास मर्जीतील भाजप शिलेदाराची निवड होणाची शक्यता वर्तविली जात आहे. बँकेच्या निवडणुकीत भाजपचेही काही संचालक निवडून आलेत. विशेष म्हणजे, भंडारा जिल्हा बँकेच्या उपाध्यक्षपद भाजपला मिळणार असले, तरी कुणाच्याही नावावर शिक्कामोर्तब झाले नसल्याची माहिती आहे. अध्यक्ष, उपाध्यक्ष नाव निश्चितीसाठी सत्तारूढ गटाच्या नेत्यांची बैठक सोमवारी झाली. मात्र, माजी पालकमंत्री कुणावर आपली मर्जी बहाल करतात यावरच उपाध्यक्ष ठरणार असल्याचे राजकीय तज्ज्ञांकडून सांगितले जात आहे. सध्या तरी उपाध्यक्षपदासाठी भाजपचे रुबी चड्ढा आणि प्रदीप पडोळे यांची नावे चर्चेत आहेत.
प्रदीप पडोळे
भंडारा जिल्हा बँक राजकीय चित्र
भंडारा जिल्हा बँकेच्या निवडणुकीत सत्ताधारी सहकार पॅनलने 21 जागांपैकी 17 जागा मिळवल्या आहेत. यात राष्ट्रवादी चे 13, भाजपचे 3 व शिंदेसेनेचे 1 असे 17 संचालक निवडून आलेत. काँग्रेस प्रणित परिवर्तन पॅनलचे 4 संचालक विजयी झालेत. निवडणुकीतील 21 पैकी एकूण 17 जागांसह सुनील फुंडे यांनी बँकेवर सहकार पॅनलचे वर्चस्व मिळवले आहे. तर विरोधी परिवर्तन आघाडीला चार जागा मिळाल्या आहेत. विशेष म्हणजे बँकेच्या अध्यक्ष पदावर डोळा असणाऱ्या मजूर संघाच्या अध्यक्षांचा या निवडणुकीत दणदणीत पराभव झाला. तर भंडारा गोंदिया लोकसभा क्षेत्राचे विद्यमान खासदार यांनाही या निवडणुकीत पराभवाचा सामना करावा लागला.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
