वैजापूर तालुक्यातील बोर दहेगाव, परसोडा, लखमापूर वाडी रहेगाव्हाण या ठिकाणी वादळी वाऱ्यासह गारांचा पाऊस झाला. तर लासूरगाव, हडसपिंपळगाव, कारंजगाव या ठिकाणी वादळी वाऱ्यास अवकाळी पावसाने हजेरी लावली. हा पाऊस तब्बल अर्धा तास चालला.
.
गुरुवार दिनांक 3 एप्रिल रोजी सायंकाळी पाच ते साडेपाच वाजे दरम्यान बोर दहेगाव, परसोडा, महेर वस्ती, व लखमापूर वाडी, रहेगाव्हाण शिवारात गरपीटीचा पाऊस झाला. अचानक आलेल्या वादळी वाऱ्यासह गरपीटीच्या पावसाने सर्वत्र पिकांचे मोठे नुकसान केले आहे. यामध्ये कांदे, गहू, हरभरा, उन्हाळी बाजरी, मका या पिकांचे मोठ्या प्रमाणावर नुकसान झाले आहे. तर लासूरगाव, कारंजगाव, हडसपिंपळगाव, या ठिकाणी वादळी वाऱ्यासह पावसाने हजेरी लावली व यामध्ये पिकांचे मोठ्या प्रमाणवर नुकसान झाले आहे आणि काही ठिकाणी मोठे मोठे वृक्ष उन्मळून पडले.
अचानक आलेल्या वादळी पावसामुळे प्रमुख्याने कांदा पिकाचेमोठे नुकसान झाले आहे.काही ठिकाणी शेतकऱ्यांनी शेतात काढलेला कांद्याचे अचानक आलेल्या पावसामुळे मोठ्या प्रमाणावर नुकसान झाले आहे. तर शेतात उभे असलेले व काढणीला आलेल्या कांद्याच्या पिकांचे गार पिटी मुळे व अवकाळी पावसामुळे मोठे नुकसान झाले आहे. हडस पिंपळगाव येथे दोन घरावरील पत्रे उडाले. त्यामध्ये शेतकऱ्यांचे मोठे नुकसान झाले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
