“भारतीय संविधानाला अपेक्षित असलेला सामाजिक, आर्थिक आणि राजकीय न्याय प्रस्थापित करण्यासाठी आजच्या युवा पिढीला सक्रिय योगदान द्यावे लागणार आहे, तेव्हाच संविधानाचा खरा उद्देश सफल होईल,” असे प्रतिपादन स्टुडंट्स फेडरेशन ऑफ इंडियाचे (SFI) जिल्हा सचिव अरुण
.
शहरातील विविध शाळा, महाविद्यालये आणि डॉ. बाबासाहेब आंबेडकर मराठवाडा विद्यापीठ परिसरामध्ये एसएफआयच्या वतीने संविधान दिनानिमित्त विविध उपक्रमांचे आयोजन करण्यात आले होते. या कार्यक्रमांना विद्यार्थ्यांचा उत्स्फूर्त प्रतिसाद मिळाला.
परिवर्तनवादी गाणी आणि संविधानावर चर्चा
या उपक्रमांतर्गत विद्यार्थ्यांसोबत सामाजिक चळवळीतील परिवर्तनवादी गाणी गाऊन वातावरणनिर्मिती करण्यात आली. तसेच, भारतीय संविधानाच्या उद्देशिकेचे सामूहिक वाचन करण्यात आले. संविधानातील मूलभूत मूल्ये, लोकशाही, समानता आणि न्याय या विषयांवर चर्चासत्रे आयोजित करून ही मूल्ये दृढ करण्याचा संकल्प उपस्थित विद्यार्थी, शिक्षक आणि कार्यकर्त्यांनी केला.
संविधानिक मूल्यांच्या रक्षणासाठी सज्ज राहा
एसएफआय छत्रपती संभाजीनगर जिल्हा अध्यक्ष मनिषा बल्लाळ यांनी आज संविधानानिक मुल्यांवर हल्ले होत असून त्याविरोधात आपण भारतीय म्हणून ठामपणे उभे राहिले पाहिजे असे सांगितले. या प्रसंगी जिल्हा कमिटी सदस्य शितल चोपडे, विजय उमाळे, अशितोष ठोंबरे, प्रदीप तेलंग, संकेत चव्हाण,सुरज देवकर, गितीका आवटे व विद्यार्थी उपस्थित होते. कार्यक्रमाचे संयोजन एसएफआय जिल्हा कमिटीने केले.संविधान दिनानिमित्त झालेल्या या कार्यक्रमास विद्यार्थ्यांकडून उत्स्फूर्त प्रतिसाद मिळाला.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
