अभिनेता विकी कौशलचा छावा चित्रपट सध्या चांगलीच धुमाकूळ घालत आहे. लक्ष्मण उतेकर यांनी या चित्रपटाचे दिग्दर्शन केले असून या चित्रपटात छत्रपती संभाजी महाराजांच्या आयुष्यावर प्रकाश टाकण्यात आला आहे. औरंगजेबने कसे संभाजी महाराजांना कैद केले, तसेच संभाजी म
.
शिर्के घराण्याच्या वारसांनी या चित्रपटावर आक्षेप घेतला आहे. या चित्रपटात राजे शिर्के घरण्याला दोषी दाखवण्यात आल्याचा आरोप करत शिर्के वारसांनी दिग्दर्शक लक्ष्मण उतेकर आणि छावा कादंबरीच्या प्रकाशकाविरोधात लढा सुरू केला आहे. कोणताही ऐतिहासिक पुरावा किंवा संदर्भ नसताना राजे शिर्के घराण्याला दोषी ठरवून चित्रपटाच्या माध्यमातून बदनाम केल्याचा आरोप शिर्के यांच्या वारसांनी केला आहे. त्यामुळे दिग्दर्शकांवर 100 कोटी रुपयांचा दावा ठोकणार असल्याचे त्यांनी म्हटले आहे.
आता शिर्के घराने 24 फेब्रुवारी रोजी सकाळी 10 वाजता पानशेत धरण परिसरातील गावात एकत्र येणार असून येथील शिरकाई देवी मंदिरात सर्व कुटुंबीय एकत्र येऊन लढा उभारण्याची रणनीती ठरवणार आहेत. छावा चित्रपटाचा दिग्दर्शकांचा विरोधातील रस्त्यावरील आणि न्यायालीयन लढाई उद्यापासूनच सुरु करणार असल्याची माहिती शिर्के घराण्यातील सदस्यांची दिली. दरम्यान, दिग्दर्शक लक्ष्मण उतेकर यांनी माफी मागितली असली तरी देखील शिर्के घराने आक्रमक असल्याचे दिसत आहे.
दिग्दर्शक लक्ष्मण उतेकर काय म्हणाले?
पत्रकार परिषदेत बोलताना लक्ष्मण उतेकर म्हणाले, लेखक शिवाजी सावंत यांनी लिहिलेल्या छावा या कादंबरीवर छावा चित्रपट तयार करण्यात आला आहे. या कादंबरीत गणोजी शिर्के, कानोजी शिर्के, शिरकाण गावचे त्यांचे कुलदैवत याबाबत माहिती दिली आहे. तसेच महाराजांवर आलेल्या दूरचित्रवाणी मालिकेत नाव आणि गावासकट हे सर्व दाखवले आहे. परंतु आपण छावा या चित्रपटामध्ये नावही घेतलेले नाही. तसेच गावसुद्धा दाखवले नाही. केवळ गणोजी आणि काणोजी या नावाने उल्लेख चित्रपटात आला आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
