राज्य निवडणूक आयोगाने आगामी नगरपालिका आणि नगरपंचायतीच्या निवडणुकांसाठी जाहीर प्रचाराच्या वेळेत महत्त्वपूर्ण बदल केला आहे. नेहमीप्रमाणे मतदान संपण्याच्या ४८ तास आधी प्रचार थांबवण्याऐवजी, यावेळी उमेदवारांना तब्बल दीड दिवस म्हणजेच ३६ तासांची वाढीव मुदत
.
यापूर्वी निवडणुकीचा जाहीर प्रचार मतदानाची प्रक्रिया संपण्याच्या ४८ तास आधी थांबवला जात असे. मात्र, आयोगाच्या ताज्या निर्णयानुसार, नगराध्यक्ष आणि नगरसेवक पदासाठी निवडणूक लढवणाऱ्या उमेदवारांना आता १ डिसेंबर रोजी रात्री १० वाजेपर्यंत जाहीर प्रचार करता येणार आहे. यामुळे उमेदवारांना मतदारांपर्यंत पोहोचण्यासाठी अधिक वेळ मिळाला आहे.
या वाढीव वेळेचा फायदा घेत, राजकीय पक्षांनी आणि उमेदवारांनी ऐन मतदानाच्या आदल्या दिवशी रात्री १० वाजेपर्यंत जाहीर सभा, पदयात्रा आणि मिरवणुकांचे नियोजन केले आहे. भारतीय जनता पक्ष, शिवसेना, राष्ट्रवादी काँग्रेस आणि काँग्रेस यांसारख्या प्रमुख पक्षांचे मोठे नेते १ डिसेंबर रोजीही जाहीर सभा घेणार आहेत.
अमरावती जिल्ह्यातील १० नगरपालिका आणि दोन नगरपंचायतींसाठी २ डिसेंबर रोजी सकाळी ७.३० वाजता मतदानाला सुरुवात होणार आहे. या निवडणुकांसाठी १ डिसेंबर रोजी रात्री १० वाजेपर्यंत प्रचार करण्याची मुभा देण्यात आली आहे.
प्रचारासाठी ही वाढीव वेळ देण्यामागे एक विशिष्ट कारण आहे. नगरपालिका आणि नगरपंचायतीची निवडणूक लढवणाऱ्या उमेदवारांना २६ डिसेंबर रोजी चिन्ह वाटप करण्यात आले होते. यामुळे त्यांना प्रचारासाठी कमी कालावधी मिळाला होता. मतदारांपर्यंत आपले चिन्ह पोहोचवण्यासाठी पुरेसा वेळ मिळावा, या उद्देशाने आयोगाने ही मुदतवाढ दिली असावी, असा अंदाज व्यक्त केला जात आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
