जैन बोर्डिंगचा व्यवहार जरी रद्द झाला असला तरी एक दोन अर्जांमध्ये धर्मदाय आयुक्त यांनी इतकी फास्ट यंत्रणा कशी राबवली, त्यांची भूमिका शंकास्पद आहे, गोखले बिल्डर ते धर्मदाय आयुक्त सर्वांची चौकशी झाली पाहिजे, मी शेवटपर्यंत या गोष्टीचा पाठपुरावा करणार आहे
.
रवींद्र धंगेकर म्हणाले की, जनतेच्या मुद्यामध्ये लोकप्रतिनिधींनी हस्तक्षेप न करता चांगले काम करू दिले पाहिजे. या प्रकरणी मी पोलिसांत तक्रार देणार असून सर्वांची चौकशी झाली पाहिजे, अशी माझी मागणी आहे. तर मी वकिलांमार्फत सर्वांना नोटीस पाठवणार असल्याचे धंगेकर यांनी म्हटले आहे.
प्रकरणाची सखोल चौकशी व्हावी
रवींद्र धंगेकर म्हणाले की, जैन बोर्डिंग प्रकरणामध्ये आज मी तक्रार दाखल करणार आहे. हा संपूर्ण व्यवहार संशयास्पद आहे. ज्या धर्मदाय आयुक्तांची भूमिका थोडी संशयास्पद आहे. त्यांना या प्रकरणी इतकी घाई का झाली आहे. देशामध्ये संविधान आहे का नाही? असे कसे धर्मदाय आयुक्त निर्णय बदलतात. मी पोलिसात तक्रार करणार आहे, मला शेवट पर्यत जावे लागणार आहे. आपण गोखले बिल्डर, बँक, संचालक, धर्मदाय आयुक्त या सर्वांना वकिलांमार्फत नोटीस देणार आहे. या प्रकरणाचा छडा लावणार आहे. या प्रकरणात सर्वांची चौकशी झाली पाहिजे अशी मागणी मी पोलिसांकडे करणार आहे.
नवीन संचालक मंडळ नेमावे
रवींद्र धंगेकर म्हणाले की, जैन समाजाच्या संपत्ती विकण्याचा अधिकार संचालक मंडळाला नाही ती वाढवण्यासाठी त्यांना तिथे नेमण्यात आले आहे. हे संचालक मंडळ काहीच कामाचे नाही त्यांना काढून टाकत नवीन संचालक मंडळ नेमले पाहिजे. गोखले बिल्डर ते धर्मदाय आयुक्त सर्वांवर कारवाई व्हावी अशी मागणी धंगेकरांनी केली आहे. धर्मदाय आयुक्तांचे भूमिका शंकास्पद आहे. हा व्यवहार का रद्द करण्यात आला, इतके फास्ट काम सरकारमध्ये कसे सुरू आहे, असा सवाल धंगेकरांनी उपस्थित केला आहे.
रासनेंवर डागले टीकास्त्र
रवींद्र धंगेकर म्हणाले की, मी ज्या मतदारसंघातून निवडणूक लढवली आणि तिथल्या लोकांचे लोकप्रतिनिधित्व केले आहे, तिथे सुरू असलेल्या प्रोजेक्टकडे आम्हरी वाकून बघितले नाही कारण तो जनतेच्या विचाराने सुरू होता, तिथे आम्ही मध्ये नाक घातले नाही. तुम्हाला जर प्रोजेक्टची हौस आहे तर तुम्ही मनपाचे स्थायी समितीवर होतात ना तेव्हा का नाही आणले प्रोजेक्ट, असा सवाल शिवसेना नेते रवींद्र धंगेकर यांनी रासनेंचे नाव न घेता केला आहे. स्थायी समिती टेंडरच्या प्रक्रियेतच गेले. तुम्ही जे कोट्यावधी रुपयांचे कामे केले त्यावर मी बोलणार नाही.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
