ज्येष्ठ इतिहास संशोधक आणि शिवचरित्रकार गजानन भास्कर मेहेंदळे यांचे बुधवारी सायंकाळी पुण्यात हृदयविकाराच्या तीव्र झटक्याने निधन झाले. ते 79 वर्षांचे होते. त्यांच्या निधनाने महाराष्ट्राच्या ऐतिहासिक संशोधन क्षेत्रात मोठी पोकळी निर्माण झाली आहे. त्यांचे
.
गेली 50 वर्षे गजानन मेहेंदळे यांनी आपले जीवन इतिहासाच्या संशोधनाला वाहिले होते. ते शिवचरित्र आणि युद्ध इतिहासाचे गाढे अभ्यासक म्हणून ओळखले जात होते. त्यांनी शिवचरित्रावर मराठी आणि इंग्रजी भाषेत अनेक जगप्रसिद्ध ग्रंथ लिहिले. फारसी, मोडी, इंग्रजी, फ्रेंच, जर्मन अशा अनेक भाषांवर त्यांचे प्रभुत्व होते. त्यांच्या निधनावेळी ते ‘इस्लामची ओळख’ आणि ‘औरंगजेब’ या विषयांवर संशोधन आणि लिखाण करत होते.
ज्येष्ठ मराठी इतिहास संशोधक व अभ्यासक गजानन भास्कर मेहेंदळे यांचा जन्म १९ डिसेंबर १९४७ रोजी झाला. ते विशेषतः शिवचरित्र आणि मुघलकालीन दस्तऐवजांवरील संशोधनासाठी ओळखले जातात. पुण्यातील भारत इतिहास संशोधक मंडळाशी संबंधित असलेले मेहेंदळे, मराठीसह फारसी/उर्दू व इतर भाषांतील दस्तऐवजांचा सखोल अभ्यास करत होते. त्यांनी शास्त्रीय स्रोत, नकाशे आणि संदर्भांवर आधारित इतिहासाची मांडणी केली आहे.
गजानन भास्कर मेहेंदळे यांनी छत्रपती शिवाजी महाराजांच्या इतिहासावर आणि शिवचरित्रावर सखोल ग्रंथ आणि शोधनिबंध लिहिले. त्यांचे ग्रंथ अनेक इतिहास अभ्यासक आणि अभ्यासक्रमांमध्ये संदर्भ म्हणून वापरले जातात. विशेषतः मुघलकालीन फारसी कागदपत्रांचे वाचन आणि त्यातून ऐतिहासिक निष्कर्ष काढण्यात त्यांचा हातखंडा होता. ते फारसी दस्तऐवजांच्या संशोधनासाठी एक महत्त्वाचे नाव मानले जात होते.
गजानन मेहेंदळेंची प्रमुख पुस्तके
- शिवाजी: हिज लाइफ अँड टाइम्स
- श्री राजा छत्रपती (भाग 1 व 2)
- छत्रपती शिवाजी महाराज झाले नसते तर
- इस्लामची ओळख -(भारतातील इस्लामी राजवटीचे धार्मिक धोरण या विषयवार)
- आदिलशाही फरमाणे (ऐतिहासिक दस्तऐवजांवर आधारित एक ग्रंथ)
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
