आगामी स्थानिक स्वराज्य संस्थांच्या निवडणुकीच्या पार्श्वभूमीवर राज्याचे महसूल मंत्री चंद्रशेखर बावनकुळे यांनी मुख्यमंत्री देवेंद्र फडणवीस यांच्याकडे कायद्यात बदल करून जिल्हा परिषदेत 5 व पंचायत समितीत 2 स्वीकृत सदस्य नियुक्त करण्याची मागणी केली आहे. बा
.
झेडपीत 5, पंचायत समितीत 2 स्वीकृत सदस्य हवेत
चंद्रशेखर बावनकुळे आज नागपूरच्या दौऱ्यावर आहेत. तिथे पत्रकारांशी संक्षिप्त संवाद साधताना त्यांनी वरील मागणी केली. ते म्हणाले, मी मुख्यमंत्र्यांकडे जिल्हा परिषद व पंचायत समिती अधिनियमात सुधारणा करण्याची मागणी केली आहे. ज्या पद्धतीने महापालिका, नगरपालिकेत स्वीकृत सदस्य असतात, त्याप्रमाणे जिल्हा परिषदेत 5 स्वीकृत सदस्य असले पाहिजे आणि पंचायत समितीत 2 स्वीकृत सदस्य असले पाहिजेत. ज्याला आपण कोऑप म्हणतो. त्यानुसार मी कालच्या बैठकीत मुख्यमंत्र्यांकडे ही मागणी केली. मला विश्वास आहे की, मुख्यमंत्री अधिनियमात सुधारणा करून जिल्हा परिषदेत 5 स्वीकृत सदस्य व पंचायत समितीत 2 स्वीकृत सदस्य नेमण्याची माझी मागणी करतील, असे बावनकुळे यांनी म्हटले आहे.
मुंबईकरांसाठी अतिशय महत्त्वाचा निर्णय
दुसरीकडे, चंद्रशेखर बावनकुळे यांनी मुंबईकरांसाठी एक अतिशय महत्त्वाचा निर्णय घेतला आहे. त्यानुसार, मुंबईतील जनतेला मुंबई व मुंबई उपनगरातील नागरी, व्यावसायिक व कंपनी मालक आपल्या क्षेत्रासहित मुंबईतील कोणत्याही सहा मुद्रांक कार्यालयांत दस्त नोंदणी करता येईल. या निर्णयांतर्गत ज्या भागातील रहिवासी किंवा व्यावसायिक प्रतिष्ठाने आहेत, तेथीलच मुद्रांक कार्यालयात नोंदणी करण्याची अट काढून टाकण्यात आली.
आता मुंबई शहर व उपनगरातील नागरिकांना कोणत्याही मुद्रांक कार्यालयात म्हणजे बोरिवली, कुर्ला, अंधेरी, मुंबई शहर तसेच ओल्ड कस्टम हाऊस जवळील प्रधान मुद्रांक कार्यालयातील मुद्रांक जिल्हाधिकारी (अंमलबजावणी एक व दोन) या सहा कार्यालयांत मालमत्ता करार, भाडे करार, वारसा हक्कपत्र याशिवाय अन्य महत्त्वपूर्ण कागदपत्रांची दस्त नोंदणी प्रक्रिया पूर्ण करता येईल. या सुधारणेमुळे मुंबईकरांचा वेळ, धावपळ वाचेल. निर्णय प्रक्रिया व कार्यालयीन कामकाज जलद होईल. शासन राजपत्र जारी करण्यात आले.
दरम्यान, चंद्रशेखर बावनकुळे यांनी नागपूर येथे महसूल सेवकांच्या अन्नत्याग आमरण उपोषणस्थळी भेट दिली. सर्वांच्या मागण्या समजून घेतल्या. या सर्व विषयांबाबत चर्चा करण्यासाठी 16 तारखेला 11 वाजता मी बैठक बोलावली आहे. सर्व उपोषणकर्त्यांना उपोषण मागे घेण्याची विनंती केली. माझ्या विनंतीचा मान ठेऊन त्यांनी यावेळी उपोषण मागे घेतले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
