यवतमाळ जिल्ह्यातील मुकुटबन वनपरिक्षेत्रात एक वाघिण गंभीर स्थितीत आढळून आलr. टी-9 वाघिणीच्या मादी बछड्याला अर्धांगवायू झाल्याचे निदान करण्यात आले आहे.
.
भेंडाळा नियतक्षेत्र कक्ष क्रमांक 20 (ब) मधील सावळी रोपवनात मंगळवारी ही वाघीण सापडली. तिच्या मागच्या पायाला गंभीर दुखापत झाली होती. एका जागेवरून दुसऱ्या जागी हालचाल करणे तिला अशक्य झाले होते.
वाघिणीच्या जीवाला धोका असल्याने तिला जेरबंद करण्याचा निर्णय घेण्यात आला. ताडोबा अंधारी व्याघ्र प्रकल्पाचे जलद बचाव पथक घटनास्थळी पोहोचले. पशुवैद्यकीय अधिकारी डॉ. रविकांत खोब्रागडे यांनी बेशुद्धीचे औषध तयार केले. निशानेबाज अजय मराठे यांनी रात्री 8.29 वाजता वाघिणीच्या डाव्या खांद्यावर अचूक डार्ट मारला.
तपासणीत वाघीण अत्यंत अशक्त असल्याचे आढळले. तिचे मागील पाय लुळे झाले होते. पशुवैद्यकीय अधिकाऱ्यांनी अर्धांगवायूचे प्राथमिक निदान केले. रक्ताचे नमुने गोळा करून पुढील उपचारांसाठी वाघिणीला गोरेवाडा वन्यप्राणी बचाव केंद्र, नागपूर येथे हलवण्यात आले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
