पोलिस अधीक्षक अतुल कुलकर्णी यांच्या संकल्पनेतून राबवण्यात येणाऱ्या ‘पहाट’ या उपक्रमाच्या माध्यमातून समाजातील वंचित घटकांपर्यंत आनंद पोहोचवण्याचे कार्य सुरू आहे. या उपक्रमाचा एक भाग म्हणून टेंभुर्णी पोलीस ठाण्याच्या वतीने बेंबळे येथील बिरसा मुंडा वसाहतीतील पारधी समाजातील बांधवांची दिवाळी गोड करण्यात आली. या उपक्रमांतर्गत पारधी समाजातील कुटुंबांना गृह उपयोगी साहित्य आणि दिवाळी फराळाचे वाटप करण्यात आले. टेंभुर्णी पोलिस ठाण्याचे कर्तव्यदक्ष पोलिस निरीक्षक नारायण पवार यांच्या मार्गदर्शनाखाली हा उपक्रम राबवण्यात आला. या कार्यक्रमास पोलिस उपनिरीक्षक चौधरी, आदिवासी विकास प्रकल्पाचे अधिकारी विशाल सरतापे, बीट अंमलदार बिरुदेव हजारे, पोलिस पाटील बिभीषण कीर्ते, पारधी समाज जिल्हाध्यक्ष बापूराव काळे, तसेच महिला आघाडीच्या अध्यक्षा सविता भोसले यांची उपस्थिती लाभली. पहाट उपक्रमाच्या माध्यमातून समाजातील सर्व घटकांशी आत्मीयतेचे बंध मजबूत करण्याचा प्रयत्न सुरू असल्याचे पोलिसांनी सांगितले. पोलिस दलाच्या या सामाजिक उपक्रमामुळे पारधी समाजात आनंदाचे वातावरण निर्माण झाले असून दिवाळी सणाचा खरा आनंद चेहऱ्यावर दिसून आला.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
