देवळा, कळवण, बागलाण व मालेगाव तालुक्यातील रस्त्यांची अक्षरक्ष: चाळण झाली आहे. या रस्त्यांची कामे मिळत असलेली तरी ठेकेदारांची देयके मिळत नसल्याने कामे करण्यात त्यांनी नकार दिला आहे. विशेषतः सौदाणे फाटा ते कळवण, पाटणे फाटा ते लोहोणेर ते कळवण, कळवण ते हदगड, कळवण डांगसौदाणे राज्य मार्ग आणि दोन्ही तालुक्यातील जिल्हा मार्गांची पावसामुळे दुरवस्था झाली आहे. लोहोणेर ते कळवण या रस्त्यावर बगडू फाटा ते बेज फाट्यादरम्यान जागोजागी एक ते दीड-दीड फुटाचे खड्डे पडले आहेत. कार्यकारी अभियंता, आदिवासी विभागाचे अधिकारी आणि ठेकेदारांनी खड्डे दुरुस्ती करण्यास असमर्थता दर्शवली आहे. कारण जोपर्यंत आमचे मागील दोन तीन वर्षाचे थकीत दुरुस्तीचे बिल अदा केले जात नाही, तोपर्यंत दुरुस्ती कामे करू शकत नाहीत असे सांगितले. १५ ऑगस्टला बांधकाम विभागाच्या कार्यालयासमोर निदर्शनेही केली. आत्मदहनाचा इशाराही दिला होत. आमची देयके अदा करण्यात आली नाही तर कार्यालयासमोर आत्मदहन करण्याचा निर्वाणीचा इशारा संघटनेतर्फे दिला आहे. ^देवळा तसेच कळवण तालुक्यातील रस्त्यांची भयंकर दुरवस्था झाली आहे. भऊर ते बेज फाटा, कळवण ते ओतूर, कुंडाणे या रस्त्यावर मोठे खड्डे पडले आहे. बांधकाम विभागाने किमान हे दोन रस्ते खड्डेमुक्त करावे. – कुबेर जाधव, स्वाभिमानी संघटना
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
