राष्ट्रसंत तुकडोजी महाराज नागपूर विद्यापीठाच्या पहिल्या महिला कुलगुरू म्हणून डॉ. मनाली मकरंद क्षीरसागर यांनी बुधवारी पदभार स्वीकारला. विदर्भातील दुसऱ्या महिला कुलगुरू ठरलेल्या डॉ. क्षीरसागर यांनी यावेळी बोलताना, नावीन्यपूर्ण तंत्रज्ञान अभ्यासक्रम सुर
.
डॉ. मनाली क्षीरसागर यांनी कार्यकारी कुलगुरू डॉ. माधवी खोडे चवरे (भाप्रसे) यांच्याकडून कुलगुरू पदाचा पदभार स्वीकारला. यावेळी कुलसचिव डॉ. राजू हिवसे यांची उपस्थिती होती.
पत्रकारांशी संवाद साधताना डॉ. क्षीरसागर म्हणाल्या की, तंत्रज्ञान आधारित नवनवीन अभ्यासक्रम सुरू करणे ही काळाची गरज आहे. उद्योगांना अपेक्षित असलेले कुशल मनुष्यबळ मिळावे यासाठी उद्योग आधारित अभ्यासक्रम तयार करून विद्यार्थ्यांना रोजगारक्षम केले जाईल.
विद्यापीठाच्या परीक्षांबाबत त्यांनी माहिती दिली की, हिवाळी परीक्षा तीन शिफ्टमध्ये आयोजित करून वेळेवर निकाल लावण्याबाबत आढावा घेतला जाईल. हिवाळी परीक्षेचे वेळापत्रक तातडीने प्रकाशित केले जाईल आणि उन्हाळी परीक्षा नियमित वेळेवर होतील, असा विश्वास त्यांनी व्यक्त केला. तसेच, विद्यापीठातील प्रशासन प्रणाली समजून घेत आवश्यक त्या ठिकाणी सुधारणा केली जाईल आणि संलग्नित महाविद्यालयांमध्येही सुधारणा केली जाईल.
आंतरराष्ट्रीय स्तरावर विद्यापीठाची ओळख निर्माण करण्यासाठी एनआयआरएफ रँकिंगमध्ये सुधारणा करून क्यूएस रँकिंगसाठी अर्ज केला जाईल. यामुळे परदेशी विद्यार्थी विद्यापीठात शिक्षण घेण्यासाठी आकर्षित होतील. उत्कृष्ट संशोधनावर अधिक लक्ष केंद्रित करून जगातील मनुष्यबळाची मागणी पूर्ण करणारे कौशल्य विद्यार्थ्यांना दिले जाईल.
या माध्यमातून जगाची कुशल मनुष्यबळाची मागणी पूर्ण होईल, तसेच विद्यापीठाला आंतरराष्ट्रीय स्तरावरील विद्यार्थी मिळतील, असा आशावाद कुलगुरूंनी व्यक्त केला. माजी विद्यार्थ्यांचे ज्ञान आणि सहकार्यातून विद्यापीठाला विकासाच्या दिशेने नेणार असल्याचेही डॉ. मनाली क्षीरसागर यांनी सांगितले. यावेळी विविध प्राधिकारणी सदस्य, चारही विद्याशाखांचे अधिष्ठाता, विविध शैक्षणिक विभागांचे प्रमुख आणि अधिकारी उपस्थित होते.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
