तुटकी आसने एअर इंडियातच नव्हे, तर इंडिगोतही!: पंजाब भाजप प्रमुख जाखड यांनी पोस्ट केली छायाचित्रे

सुनील जाखड यांनी छायाचित्रे पोस्ट केली.

केंद्रीय मंत्री शिवराजसिंह चौहान यांच्यानंतर पंजाबचे भाजप प्रमुख सुनील जाखड यांनी विमानातील तुटक्या आसनांचा मुद्दा मांडला आहे. जाखड सोशल मीडियावर लिहितात-‘विमानातील तुटक्या आसनांची समस्या केवळ एअर इंडियातच नाही, असे वाटते. कारण २७ जानेवारीला एका इंडिगो चंदिगड-दिल्ली विमानातील ही काही छायाचित्रे आहेत. त्यात अनेक आसनांवरील कुशल सैल झालेले दिसते. ते सुरक्षेच्या नियमानुसार नाहीत. जाखड म्हणाले, विमानाच्या कर्मचाऱ्यांनी त्यांना इंडिगोच्या संकेतस्थळावर तक्रार दाखल करण्याचा सल्ला दिला. ते म्हणाले, सुरक्षा नियमांचे पालन करण्यात दोन्ही विमान कंपन्यांची ‘चलता है’ ही वृत्ती अडथळा ठरू नये, या उद्देशाने हा मुद्दा मांडला. त्यावर नागरी उड्डयन संचालनालयाने काही उपाय ठरवावेत. या आधी २२ फेब्रुवारील शिवराज सिंह चौहान यांनी भोपाळहून नवी दिल्लीच्या एअर इंडियाच्या उड्डाणात ‘तुटक्या सीट’बाबतची तक्रार जाहीरपणे मांडली होती. संपूर्ण भाडे घेऊन असे आसन देणे अनैतिक म्हटले होते.

इंडिगोचे स्पष्टीकरण.. कुशन सैल शक्य, पण सुरक्षेशी तडजोड नाही

इंडिगोने जाखड यांच्या सोशल मीडिया पोस्टचे उत्तर देताना सांगितले की, त्यांच्या विमानाची आसने काढता येतील अशा रीतीने कुशनला डिझाइन केले आहे. ते वेल्क्रोने सुरक्षित असतात. स्वच्छता व देखभालीसाठी ते सोयीचे आहेत. कधी कधी कुशल सैल असू शकतात. विश्रांतीसाठी त्यास ठीक करावे लागू शकते. सुरक्षा मात्र आमच्यासाठी सर्वोच्च आहे. सीटच्या डिझाइनमध्ये सुरक्षेच्या मापदंडांशी तडजोड केलेली नाही याबद्दल आश्वस्त करतो.