मुंबईतील दादर परिसरात असलेले सावरकर सदन लवकरच पाडले जाऊ शकते, असे वृत्त समोर आले आहे. रहिवाशांनी इमारतीच्या पुनर्विकासाला सहमती दर्शविली असून काही जणांनी हे अपार्टमेंट विकासकाला विकल्याची माहिती आहे.
.
दरम्यान सावरकरांचे हे घर केवळ निवासस्थान नसून, अनेक राजकीय आणि सांस्कृतिक घडामोडींचे साक्षीदार ठरले आहे. मात्र आता ही इमारत जीर्ण अवस्थेत असल्याने, ती पाडून त्याजागी नव्या स्वरूपात बांधकाम करण्याची शक्यता व्यक्त केली जात आहे.
रंगकामामुळे बाहेरुन दिसते चांगली
हिंदुस्तान टाईम्सच्या बातमीनुसार काही रहिवाशांनी मालमत्तेच्या पुनर्विकासाला सहमती दर्शविली आहे आणि काहींनी त्यांचे अपार्टमेंट विकासकाला विकले आहेत. बाहेरून व्यवस्थित दिसत असलेली इमारत ही आतून मोडकळीस आलेली आहे. रंगकाममुळे ती बाहेरुन चांगली असल्याचे भासते, नाव न छापण्याच्या अटीवर एकाने ही माहिती दिली आहे.
पुनर्विकासाला अनुयायांचा तीव्र विरोध
स्वातंत्र्यवीर सावरकर राष्ट्रीय स्मारक ट्रस्टकडून नव्या इमारतीतील मझेलन फ्लोअरवर सावरकरांना समर्पित मोठ्या संग्रहालयासाठी अधिक जागा मिळावी, यासाठी प्रयत्न सुरू आहेत. त्याचबरोबर या मजल्याला ‘सावरकर सदन’ हे नाव कायम ठेवण्याचा देखील प्रस्ताव आहे. मात्र, या ऐतिहासिक इमारतीच्या पुनर्विकासाला काही सावरकर अनुयायांचा तीव्र विरोध आहे. त्यांनी न्यायालयात याविरोधात याचिका दाखल केली असून, इमारतीला ‘राष्ट्रीय महत्त्वाचा स्मारक’ आणि वारसास्थळाचा दर्जा मिळावा, अशी मागणी केली आहे.
तात्काळ वारसास्थळाचा दर्जा द्या- फडणीस
सावरकरांचे अनुयायी आणि इमारतीचे माजी रहिवासी प्रा. पंकज फडणीस यांनी सांगितले, जर भाजपला सावरकरांचा खरोखर सन्मान करायचा असेल, तर सावरकर सदनला तात्काळ वारसास्थळाचा दर्जा द्यावा. सावरकर सदन हे 1938 साली शिवाजी पार्कमधील सुमारे 405 चौ.मी. भूखंडावर दोन मजली बंगला म्हणून उभारले गेले. अभिनव भारत या गुप्त संघटनेचे संस्थापक आणि हिंदू महासभेतील प्रमुख नेता म्हणून सावरकर या बंगल्यात राहात होते. याठिकाणी 1940 साली नेताजी सुभाषचंद्र बोस यांची भेट घेतली होती.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
