पुण्यभूषण फाउंडेशन आणि महाराष्ट्र साहित्य परिषदेने आयोजित केलेल्या दिवाळी अंक स्पर्धेचा निकाल जाहीर झाला आहे. यंदाचा पुण्यभूषण सर्वोत्तम दिवाळी अंक पुरस्कार ‘ऋतुरंग’ला प्रदान करण्यात येणार आहे. विजेत्याला ५१ हजार रुपये रोख आणि सन्मानपत्र देण्यात येणा
.
स्पर्धेत तीन वेगवेगळ्या विभागांतील विजेत्यांची घोषणा करण्यात आली आहे. बालकुमार विभागात ‘साधना बालकुमार’ची निवड करण्यात आली. एका विशिष्ट विषयावरील दिवाळी अंकांमध्ये ‘वास्तव’ (भूत विशेषांक) विजयी ठरला. तर इतर विभागात ‘आर्याबाग’ने बाजी मारली. या तीनही विजेत्यांना प्रत्येकी १५ हजार रुपये आणि सन्मानपत्र देण्यात येणार आहे.
पुरस्कार वितरण सोहळा २६ फेब्रुवारी २०२५ रोजी संध्याकाळी ६ वाजता महाराष्ट्र साहित्य परिषदेच्या माधवराव पटवर्धन सभागृहात आयोजित करण्यात आला आहे. जनस्थान पुरस्कार विजेते ज्येष्ठ नाटककार सतीश आळेकर आणि प्रख्यात पत्रकार राजीव खांडेकर यांच्या हस्ते पुरस्कारांचे वितरण होणार आहे. कार्यक्रमाला महाराष्ट्र साहित्य परिषदेच्या प्रमुख कार्यवाह सुनिताराजे पवार आणि कोषाध्यक्ष विनोद कुलकर्णी उपस्थित राहणार आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
