तनिषा भिसे मृत्यूप्रकरणी भिसे कुटुंबीयांनी दीनानाथ रुग्णालयावर बदनामी केल्याचा आरोप केला आहे. अंतर्गत समितीच्या नावाखाली रुग्णालय प्रशासनाने खासगी माहिती सार्वजनिक केल्याचा आरोप भिसे कुटुंबीयांनी केला. याप्रकरणी भिसे कुटुंबीयांनी पोलिसांत धाव घेतली अ
.
दीनानाथ रुग्णालयाच्या प्रशासनाने अंतर्गत समितीच्या नावाखाली बदनामी केल्याचे भिसे कुटुंबीयांचे म्हणणे आहे. अंतर्गत समितीच्या अहवालामुळे तनिषा भिसे यांची आव्हीएफ सारख्या ट्रिटमेंटची माहिती सार्वजनिक झाली. या अहवालामुळे अनेक चुकीचे प्रश्न निर्माण झाले आणि कुटुंबाला ट्रोल केल्याचे भिसे कुटुंबीयांनी पोलिसांना दिलेल्या तक्रारीत म्हटले आहे. त्यामुळे हा अहवाल जगजाहीर करणाऱ्या डॉक्टरांवर कारवाई करण्याची मागणी भिसे कुटुंबीयांकडून करण्यात आली आहे.
‘या’ डॉक्टरांवर कारवाई करण्याची मागणी
अंतर्गत समितीच्या अहवालावर वैद्यकीय संचालक डॉ. धनंजय केळकर, वैद्यकीय अधीक्षक डॉ. अनुजा जोशी, अतिदक्षता विभागप्रमुख डॉ. समीर जोग, प्रशासक सचिन व्यवहारे आणि राजीनामा दिलेले डॉक्टर सुश्रुत घैसास यांच्या स्वाक्षऱ्या आहेत. या सर्व डॉक्टरांवर कारवाई करावी, अशी मागणी भिसे कुटुंबीयांनी पोलिसांत दिलेल्या तक्रारीत केली आहे.
राज्य महिला आयोगाचेही रुग्णालयावर कारवाईचे आदेश
दरम्यान, राज्य महिला आयोगानेही रुग्णालयावर कारवाई करावे असे आदेश पुणे पोलिस आयुक्त अन् मेडिकल काउन्सिलला जारी केले आहेत. याबाबत राज्य महिला आयोगाच्या अध्यक्षा रुपाली चाकणकर यांनी ट्वीट करत माहिती दिली. रुपाली चाकणकर म्हणाल्या, पुण्यातील दीनानाथ मंगेशकर रुग्णालयाने तनिषा भिसे यांच्या मृत्यूनंतर केलेल्या अंतर्गत चौकशीचा अहवाल सार्वजनिक केला. मृत तनिषा आणि भिसे कुटुंबीयांची वैयक्तिक माहिती परवानगीविना सार्वजनिक केल्याने मानसिक त्रास झाल्याची तक्रार सविता भिसे यांनी राज्य महिला आयोगाकडे केली आहे. आयोगाने याप्रकरणी पोलिस आयुक्त, पुणे आणि मा. अध्यक्ष, महाराष्ट्र मेडिकल काउन्सिल यांना यावर तातडीने कारवाई करण्याचे निर्देश दिले असून आयोगास केलेल्या कार्यवाहीचा चौकशी अहवाल तात्काळ सादर करण्यास सांगितले आहे.
हे ही वाचा…
त्या दिवशी काय राहू-केतू झाला माहीत नाही:डॉ. केळकरांच्या वक्तव्यावर अंधश्रद्धा निर्मूलनचा आक्षेप, अशास्त्रीय दावा केल्याचा आरोप
पुणे येथील दीनानाथ मंगेशकर रुग्णालयावर अनामत रक्कम मागितल्याचा तसेच पैशांच्या अभावी गर्भवती महिलेवर उपचार न केल्याने मृत्यूचा आरोप केला जात आहे. तसेच या रुग्णालयात काम करणारे डॉ. घैसास यांच्यावर देखील टीका केली जात आहे. डॉ. घैसास यांनी या प्रकरणानंतर तसेच जनतेच्या संतापानंतर राजीनामा दिला आहे. या सगळ्या घटनांवर रुग्णालयाचे संचालक डॉ. धनंजय केळकर यांनी पत्रकार परिषद घेत भाष्य केले होते. यावेळी बोलताना त्यांनी आम्ही डिपॉझिट घेत नसल्याचे त्यांनी सांगितले होते. मात्र, त्या दिवशी काय राहू केतू झाला आणि अनामत रक्कम मागितली माहिती नाही, असे विधान त्यांनी केले होते. यावर आता अंधश्रद्धा निर्मूलन चळवळीने आक्षेप घेतला आहे. पूर्ण बातमी वाचा…
डॉक्टर सुश्रुत घैसास यांचा पाय खोलात:सरकार करणार कठोर कारवाई; तनिषा भिसे मृत्यू प्रकरणात 10 लाख डिपॉझिट मागितल्याचा आरोप
तनिषा भिसे मृत्यू प्रकरणात 10 लाख रुपयांचे डिपॉझिट मागणाऱ्या पुण्यातील दीनानाथ मंगेशकर रुग्णालयातील डॉक्टर सुश्रुत घैसास यांच्यावर कारवाई होणार असल्याचा दावा सूत्रांनी केला आहे. सरकार या प्रकरणी माता मृत्यू अन्वेषण कमिटीच्या रिपोर्टची वाट पाहत असल्याचेही सूत्रांनी सांगितले आहे. पूर्ण बातमी वाचा…
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
