धामणगाव रेल्वे येथील जुना हद्दवाढीचा ठराव रविवारी झालेल्या ग्रामसभेत सर्वानुमते मंजूर करण्यात आला. या निर्णयामुळे ६२ कॉलनींचा धामणगाव नगरपरिषदेच्या हद्दीत समावेश होणार आहे.
.
नागरिकांच्या सततच्या मागण्या आणि आंदोलनांमुळे या प्रश्नाला गती मिळाली. ग्रामसभेत एकमताने ठराव मंजूर झाल्यानंतर सभागृहात टाळ्यांचा कडकडाट झाला. या वेळी सर्व ६२ कॉलनीतील नागरिक मोठ्या संख्येने उपस्थित होते.
हा प्रस्ताव २००९ मध्ये शासनाकडे पाठवण्यात आला होता. त्यावेळी अशोक चव्हाण मुख्यमंत्री होते. मात्र काही राजकीय विरोधामुळे प्रस्ताव प्रलंबित राहिला होता.
ग्रामसभेच्या या महत्त्वपूर्ण निर्णयासाठी सरपंच, उपसरपंच, सचिव, ग्रामपंचायत सदस्य आणि कर्मचारी उपस्थित होते. दत्तापूर पोलिस ठाण्याचे ठाणेदार गिरीश ताथोड यांनी कायदा व सुव्यवस्था राखण्यासाठी बंदोबस्त ठेवला होता.
धामणगावचे आमदार प्रताप अडसड यांनी या भागात पायाभूत सुविधा, पाणीपुरवठा, रस्ते, वीज आणि इतर नागरी सोयीसुविधा प्राधान्याने उपलब्ध करून देण्याचे आश्वासन दिले आहे. माजी आमदार प्रा. वीरेंद्र जगताप यांनीही या निर्णयाचे स्वागत केले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
