धारगाव येथे राष्ट्रीय महामार्ग क्रमांक 53 वर भीषण अपघात झाल्याची घटना घडली. ही घटना 26 फेब्रुवारी सायंकाळी ७:३० वाजे दरम्यान घडली. रघुनाथ सिडाम असे जागीच ठार झालेले व्यक्तीचे नाव असून कृष्णा चवडे ( दोन्ही रा. टेकेपार/माडगी) असे जखमीचे नाव आहे. तर रवी
.
प्राप्त माहितीनुसार, रघुनाथ, कृष्णा व रवी हे तिघेही कोकणागड येथून महाप्रसाद घेऊन आपल्या स्वगावी टेकेपार/माडगी येथे दुचाकी क्रमांक एम एच ३६ ए पी ७३२९ ने जात होते. धारगाव येथे राष्ट्रीय महामार्ग क्रमांक 53 वर पेट्रोल पंप समोर एका नादुरुस्त ट्रकला आढळल्याने रघुनाथ खाली पडला व मागून येणाऱ्या वाहनाच्या चाकाखाली आल्याने त्याच्या जागीच मृत्यू झाला. कृष्णा चवडे हा जखमी झाल्याने त्याला उपचारासाठी रुग्णालयात पाठविण्यात आले तर रवी हा घटनास्थळावरून दुचाकी घेऊन पसार झाल्याची प्राथमिक माहिती आहे. अपघाताची माहिती मिळताच कारधा पोलीस ठाण्याचे ठाणेदार गणेश पिसाळ हे आपल्या चमूसह घटनास्थळी दाखल झाले. त्यांनी घटनास्थळाचा पंचनामा करून मृतदेह उत्तरीय तपासणीसाठी सामान्य रुग्णालयात पाठविण्यात आले. घटनास्थळी नागरिकांनी मोठी गर्दी केली असून काही काळ वाहनाच्या रांगा लागल्या होत्या.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
