हत्येच्या प्रकरणात पॅरोलवर सुटलेल्या आरोपीसह त्याच्या मित्रावर गोळीबार करण्यात आल्याची घटना सोमवारी सकाळी नांदेडच्या गुरुद्वारा परिसरातील शहीदपुरा भागात घडली. या घटनेत एका व्यक्तीचा मृत्यू झाला आहे. ही घटना पूर्ववैमनस्यातून घडल्याचा संशय आहे. पण या घ
.
यासंबंधीच्या माहितीनुसार, रविंद्रसिंह राठोड असे मृत व्यक्तीचे नाव आहे. रविंद्रसिंह राठोड व त्याचा मित्र गुरमीतसिंग सेवादार हे सोमवारी सकाळी 9.30 च्या सुमारास गुरुद्वारा परिसरातील शहीदपुरा भागातून जात होते. तेव्हा त्यांच्यावर अज्ञात हल्लेखोरांनी पिस्तुलातून 3 ते 4 गोळ्या झाडल्या. त्यापैकी 2 गोळ्या गुरमीतसिंग सेवादार यांच्या छातीत लागल्या. राठोड याच्याही पाठीत एक गोळी घुसली. या हल्ल्यानंतर हल्लेखोर घटनास्थळावरून पळून गेले.
उपचार सुरू असताना रविंद्रसिंह राठोडचा मृत्यू
त्यानंतर रक्तबंबाळ अवस्थेत जखमींना नांदेडच्या विष्णुपुरी येथील शासकीय रुग्णालयात दाखल करण्यात आले. तिथे रविंद्रसिंह राठोड याचा उपचारादरम्यान मृत्यू झाला. दुसरीकडे, गोळीबाराच्या घटनेची माहिती मिळताच पोलिस अधीक्षक अबिनाशकुमार, अतिरिक्त पोलिस अधीक्षक सूरज गुरव, डीवायएसपी सुशील नायक यांच्यासह इतर कर्मचाऱ्यांनी घटनास्थळी धाव घेतली. त्यांनी परिसरातील सीसीटीव्ही फुटेजची पाहणी करून तपासाला सुरुवात केली. पण तूर्त या गोळीबारामागील कारण स्पष्ट झाले नाही. हल्लेखोरांचा उद्देश काय होता? व ते कोण होते? याचा तपास सुरू असल्याची माहिती पोलिस अधीक्षक अबिनाशकुमार यांनी दिली.
हल्ल्याचे रिंदा गँगशी कनेक्शन?
उल्लेखनीय बाब म्हणजे काही वर्षांपूर्वी कुख्यात अतिरेकी हरविंदरसिंग उर्फ रिंदा याच्या भावाचा शहरातील बाफना परिसरात निर्घृण खून करण्यात आला होता. गुरमीतसिंग सेवादार या प्रकरणातील एक आरोपी असल्याचे सांगितले जात आहे. तो 12 दिवसांपूर्वी म्हणजे 22 जानेवारी रोजी तुरुंगातून पॅरोलवर सुटला होता. त्यानंतर आज त्याच्यावर गोळीबार करण्यात आल्यामुळे या घटनेमागे रिंदा कनेक्शन असल्याचा दावा केला जात आहे. पण पोलिसांनी त्याला अद्याप कोणताही दुजोरा दिला नाही.
उद्योगपती संजय बियाणी याची झाली होती हत्या
उल्लेखनीय बाब म्हणजे नांदेड येथील प्रसिद्ध उद्योजक संजय बियाणी यांची 5 एप्रिल 2022 रोजी दिवसाढवळ्या त्यांच्या राहत्या घरासमोर गोळ्या झाडून हत्या करण्यात आली होती. खंडणीच्या कारणावरुन हरविंदरसिंग रिंदा याच्या हस्तकाने त्यांची हत्या केल्याचा आरोप आहे. या घटनेमुळे राज्यभरात खळबळ उडाली होती. तत्कालीन गृहमंत्री दिलीप वळसे पाटील यांनी बियाणींच्या घरी भेट देऊन त्यांच्या कुटुंबीयांचे सांत्वन केले होते.
पोलिसांनी बियाणी यांच्यावर गोळीबार करणाऱ्या दोन शूटरपैकी एकाला पोलिसांनी ताब्यात घेतले होते. तर दुसरा महत्त्वाचा शूटर दीपक सुरेश रांगा फरार झाला होता. त्याचा शोध घेण्यासाठी नांदेड पोलिसांनी विशेष पथकाची नियुक्ती केली होती. मात्र अनेक राज्यात शोध घेऊन दीपक पोलिसांच्या हाती लागत नव्हता. अखेर एनआयएच्या पथकाने नेपाळ बॉर्डरवरुन त्याला अटक केली होती.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
