नागपूर जिल्ह्यातून एक धक्कादायक बातमी समोर आली आहे. नागपुरातील कोराडी येथील श्री जगदंबा महालक्ष्मी मंदिराचा मागच्या बाजूला महाद्वाराचे बांधकाम सुरू होते. यादरम्यान महाद्वाराचा स्लॅब कोसळल्याची घटना घटना घडली आहे. या दुर्घटनेत 17 कामगार जखमी झाल्याची
.
या दुर्घटनेत या ढिगाऱ्याखाली अनेकजण दबले गेल्याची भीती व्यक्त केली जात आहे. तसेच, काही जखमी असल्याचेही सांगण्यात येत आहे. तर जखमींवर छिंदवाडा रोडवरील मॅक्स आणि नंदिनी रुग्णालयात उपचार सुरू आहेत.
मिळालेल्या माहितीनुसार, या घटनेत 17 कामगार जखमी झाले आहेत. जखमींना तात्काळ रुग्णालयात दाखल केले असून त्यांच्या उपचार सुरू आहेत. महाद्वाराच्या छताचा भाग कोसळल्याचे कारण अद्याप अस्पष्ट आहे. मंदिर समितीने या बाबतीत अजून कुठलेही अधिकृत निवेदन सादर केलेले नाही. खापरखेडा येथून कोराडी मंदिराकडे जाणाऱ्या मार्गावर या प्रवेशद्वाराचे काम सुरू होते. घटनेची माहिती मिळताच जिल्हाधिकारी डॉ. विपीन ईटनकर व पोलिस उपायुक्त निकेतन कदम यांनी घटनास्थळी भेट देऊन माहिती घेतली.
कुठल्याही प्रकारची कॅज्युएल्टी नाही- पोलिस उपायुक्त
पोलिस उपायुक्त निकेतन कदम म्हणाले की, एनडीआरएफची टीम घटनास्थळी दाखल झाली असून मदतकार्य राबवण्यात येत आहे. सध्या कुठल्याही प्रकारची कॅज्युएल्टी नसल्याचीही माहिती आहे. तर, मलबा हटवण्याचे काम सुरू असल्याची माहिती कदम यांनी दिली. मदतकार्यही वेगाने सुरू असून मलबा हटवला जात आहे.
मंदिर समितीने या बाबतीत अजून कुठलेही अधिकृत निवेदन सादर केले नसले तरी एनडीआरएफ मदत कार्य सुरू आहे. सध्या कुठल्याही प्रकारची कॅज्युएल्टी नाही. मलबा हटवण्याचे काम सुरू आहे, असे पोलिस उपायुक्त निकेतन कदम यांनी सांगितले.
नागपूरचे पालकमंत्री चंद्रकांत बावनकुळे हे स्वतः या मंदिराचे अध्यक्ष आहेत. बावनकुळे प्रशासनाच्या संपर्कात असून घटनेचे अपडेट घेत आहेत. बावनकुळे यांनी प्रशासनाला तात्काळ मदतकार्य सुरू करण्याच्या सूचना दिल्या आहेत.
जिल्हाधिकारी डॉक्टर विपिन इटनकर काय म्हणाले?
या घटनेबाबत बोलताना नागपूरचे जिल्हाधिकारी डॉक्टर विपिन इटनकर म्हणाले- गेटचं काम सुरू असताना ही दुर्घटना घडली. यामध्ये काही मजूर अडकले होते. त्यांना किरकोळ दुखापत झाली असून या सर्वांना रुग्णालयात दाखल करण्यात आले आहे. यात कोणीही गंभीर जखमी झालेले नाही. त्यांच्यावर उपचार सुरू आहेत. या घटनेनंतर आम्हाला पालकमंत्र्यांचा फोन आला होता, त्यानुसार आम्ही काम करत आहोत. आता गेटखाली कोणीही नाही, अशी अपेक्षा आहे.
परिस्थिती नियंत्रणात
एका वरिष्ठ पोलिस अधिकाऱ्याने सांगितले- पोलिस गर्दीवर नियंत्रण मिळवण्याचे काम करत आहेत. जखमींना रुग्णालयात नेण्यात आले आहे. गेटखाली अजून कुणी दाबल्या गेलं आहे का? याची खात्री पोलिसांकडून केली जात आहे. तसेच, या ठिकाणची परिस्थिती सध्या नियंत्रणात आहे.
दरम्यान, जखमी मजुरांची प्रकृती धोक्याबाहेर असल्याचे सांगण्यात येत असून त्यांची नावे कळू शकली नाहीत. या प्रवेशद्वाराचे कंत्राट बिव्हिजी कंपनीकडे असल्याचे कळते.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
