नागरी सेवा परीक्षा–2026 ची अधिसूचना जारी: यूपीएससीत निवड झालेले अधिकारी आता वारंवार परीक्षा देऊ शकणार नाहीत

केंद्रीय लोकसेवा आयोगाने (यूपीएससी) नागरी सेवा परीक्षा २०२६ची अधिसूचना बुधवारी जारी केली. यात प्रयत्नांची संख्या आणि पात्रतेशी संबंधित नियमांमध्ये मोठा बदल करण्यात आला आहे. आता निवड झाल्यानंतर पुन्हा-पुन्हा परीक्षा देण्याची मुभा पूर्वीसारखी राहणार नाही. नव्या तरतुदीनुसार सेवेत असताना वारंवार परीक्षा देण्याचा मार्ग बंद करण्यात आला आहे.

मात्र आयएएस आणि आयएफएस संदर्भातील जुने नियम तसेच ठेवण्यात आले आहेत. निवड झालेल्या अधिकाऱ्याला एकदाच कामगिरी सुधारण्याची संधी दिली जाईल. उदाहरणार्थ, एखाद्याची २०२६ मध्ये आयपीएसमध्ये निवड झाली तर तो २०२७ मध्ये कामगिरी सुधारण्यासाठी परीक्षा देण्यास पात्र असेल. त्यानंतर पुन्हा परीक्षा द्यायची असल्यास त्याला सेवेतून राजीनामा द्यावा लागेल. यंदा आयोगाने ९३३ पदांसाठी भरतीची जाहिरात जारी केली आहे.

यूपीएससी २०२६ मध्ये प्रथमच दिसणारे बदल

सीएसई–२०२६मध्ये ग्रुप-ए किंवा आयपीएस मिळाल्यास उमेदवाराला फक्त एकदाच, म्हणजे सीएसई–२०२७मध्ये रँक सुधारण्याची संधी मिळेल. ही संधी ट्रेनिंग न जॉइन करण्यासाठी एकदाच सूट (वन-टाइम एक्झेम्प्शन) मिळाल्यासच मिळेल. ही सूट फाउंडेशन कोर्सपर्यंतच मर्यादित असेल. उमेदवाराने ना ट्रेनिंग जॉइन केली, ना सूट घेतली, तर सीएसई–२०२६ आणि सीएसई–२०२७ या दोन्ही आधारे मिळालेली सेवा आपोआप रद्द होईल. सीएसई–२०२६मधून निवड झालेले उमेदवार सीएसई–२०२७ द्यायचे असतील तर परवानगी आवश्यक असेल. सीएसई–२०२८ किंवा त्यानंतर परीक्षा द्यायची असल्यास राजीनामा बंधनकारक असेल.