संत ज्ञानेश्वर महाराज पालखी सोहळ्याचे ३० जून रोजी जिल्ह्यात स्वागत होईल. हा पालखी सोहळा फलटण-पंढरपूर मार्गावरील डाव्या बाजूने नातेपुते येथे प्रवेश करतो. या वेळी अनेक वाहने जिजामाता चौकातील उजव्या बाजूने पुलाखालून व पुलावरून बायपास रोडने पुढे येतात. क
.
संत ज्ञानेश्वर महाराज पालखी सोहळा २९ जून रोजी बरड (सातारा) मुक्काम संपवून यंदा ३० जून रोजी जिल्ह्यात येईल. सोलापूर जिल्ह्याच्या सीमेवरील धर्मपुरी येथे प्रशासकीय अधिकाऱ्यांच्या उपस्थितीत माऊलींच्या पालखीचे स्वागत होते. कारुंडे बंगला या ठिकाणी दुपारचा विसावा संपल्यावर माऊली मुक्कामासाठी नातेपुतेकडे रवाना होते. जिजामाता चौकात सर्व्हिस रस्त्यावरील साइटपट्टीचा मुरूम रस्त्यावर येत असल्याने अपघाताचा धोका निर्माण झाला आहे. पोलिस प्रशासन व महामार्ग प्राधिकरणाने जिजामाता चौकात दिशादर्शक फलक बसविणे, नो एंट्रीचे फलक लावणे अपेक्षित आहे. पुरेशी विद्युत दिव्यांची व्यवस्था केल्यास वारकऱ्यांना होणारा त्रास व संभाव्य अपघात टाळता येईल. पालखी सोहळ्याच्या पार्श्वभूमीवर प्रशासनाने गांभीर्याने लक्ष देणे आवश्यक आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
