आगामी कुंभमेळ्यामुळे नाशिकच्या पालकमंत्रीपदाला महत्त्व प्राप्त झाले असताना, या पदावरून महायुतीमधील शिवसेना शिंदे गट आणि भाजपच्या नेत्यांमध्ये चांगलाच कलगी तुरा रंगलेला आहे. नाशिकचे पालकमंत्रिपद जाहीर झाल्यानंतर शिवसेनेच्या विरोधामुळे गिरीश महाजन यांन
.
नाशिकच्या पालकमंत्रीपदासाठी महायुतीतील तिन्ही पक्षांनी प्रतिष्ठा पणाला लावली आहे. भाजपकडून गिरीश महाजन, राष्ट्रवादीकडून (अजित पवार गट) छगन भुजबळ आणि ॲड. माणिक कोकाटे, तर शिवसेना शिंदे गटाकडून मंत्री दादा भुसे हे प्रबळ दावेदार आहेत. बरीच ओढाताण होऊनही तिढा सुटला नाही. तोडगा म्हणून या चारही मंत्र्यांना कुंभमेळा मंत्री समितीत स्थान देण्यात आले आहे, ज्याचे प्रमुख गिरीश महाजन हेच आहेत.
भुसेंचे मिश्किल वक्तव्य अन् हशा
मागील आठवड्यात देशाचे गृहमंत्री अमित शाह हे अहिल्यानगर जिल्ह्याच्या दौऱ्यावर असताना त्यांची मुख्यमंत्री आणि दोन्ही उपमुख्यमंत्र्यांबरोबर बंद दाराआड चर्चा झाली. या बैठकीत नाशिकच्या पालकमंत्रीपदाबाबत काही तोडगा निघाला का? असा प्रश्न मंत्री दादा भुसे यांना विचारण्यात आला. यावर भुसे यांनी अतिशय मिश्किलपणे उत्तर दिले आणि उपस्थितांमध्ये हशा पिकला. “नाशिकच्या पालकमंत्रीपदाचा वाद आता थेट डोनाल्ड ट्रम्प यांच्याकडेच न्यावा लागेल,” असे दादा भुसे म्हणाले. त्यांच्या या वक्तव्यामुळे नाशिकच्या राजकीय वर्तुळात चांगलीच चर्चा रंगली आहे.
महाजन यांचाही ‘ट्रम्प’ कनेक्शनवरून टोला
दरम्यान, दादा भुसे यांच्या या वक्तव्यानंतर भाजपचे मंत्री गिरीश महाजन यांनीही त्यांना डिवचण्याची संधी सोडली नाही. जळगाव जिल्ह्यातील अंमळनेर येथे झालेल्या एका कार्यक्रमानंतर पत्रकारांशी बोलताना महाजन म्हणाले, भुसे यांच्या म्हणण्यानुसार डोनाल्ड ट्रम्प आणि त्यांचे घनिष्ठ संबंध कदाचित असतील. त्यामुळे ते ट्रम्प यांना नाशिकच्या पालकमंत्रीपदाचा तिढा सोडविण्याची विनंती करतील. किंवा फोन करून सांगतील की काही तरी करा म्हणून. माझे तसे कोणतेच संबंध अमेरिकेशी नाहीत किंवा मी तिकडे गेलोही नाही. मुख्यमंत्री देवेंद्र फडणवीस यांच्याशी देखील माझी नाशिकचे पालकमंत्रीपदाविषयी चर्चा झालेली नाही.
ठाकरे गटाकडूनही टीका
दादा भुसे यांच्या मिश्किल वक्तव्यानंतर शिवसेना (ठाकरे गट) नेत्यांनीही त्यांच्यावर टीका केली. “डोनाल्ड ट्रम्प आधी तुम्हाला दारात उभा करतात का ते बघा. सध्या ट्रम्प आपल्या देशाशी आणि पंतप्रधान नरेंद्र मोदींशी ज्या पद्धतीने वागत आहेत, आपल्या देशावरील टॅरिफ मोठ्या प्रमाणात वाढवत आहेत, ते पाहता डोनाल्ड ट्रम्प तुम्हाला जवळ तरी उभा करतात का ते पाहा,” अशा शब्दांत ठाकरे गटाने भुसे यांना लक्ष्य केले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
