धामणगाव रेल्वे तालुक्यातील हिंगणगाव येथे एक प्रशंसनीय घटना घडली आहे. येथील सरपंच दुर्गाबक्षसिंह ठाकुर यांनी निकृष्ट रस्त्याच्या कामासाठी लाच देऊ करणाऱ्या कंत्राटदाराविरुद्ध कारवाई केली आहे.
.
अरिहंत नगर येथे सिमेंट रस्त्याचे बांधकाम सुरू होते. हे काम अत्यंत निकृष्ट दर्जाचे झाल्याचे सरपंच ठाकुर यांच्या निदर्शनास आले. त्यांनी कंत्राटदार मनीष श्रीखंडे आणि सुरेश बुधानी यांना बांधकामाचा दर्जा सुधारण्याच्या सूचना दिल्या. शिवाय त्यांनी जिल्हा परिषद उपविभागीय अभियंता आणि जिल्हा स्तरावर तक्रारही नोंदवली.
कंत्राटदारांनी आपला गैरप्रकार लपवण्यासाठी सरपंच ठाकुर यांना २० हजार रुपयांची लाच देऊ केली. मात्र प्रामाणिक सरपंचांनी ३ मार्च रोजी लाचलुचपत प्रतिबंधक विभागाकडे (एसीबी) तक्रार दाखल केली. त्यानुसार बुधवारी संध्याकाळी ५ वाजता एसीबीने सापळा रचून कंत्राटदाराला रंगेहात पकडले.
सरपंच ठाकुर यांनी सांगितले की, जनतेने त्यांना विकासकामांसाठी निवडून दिले आहे. ग्रामीण भागात निधी अपुरा असतानाही विकास कामे दर्जेदार व्हावीत यासाठी ते प्रयत्नशील आहेत. त्यांच्या या प्रामाणिक कारवाईचे सर्व स्तरांतून कौतुक होत आहे. दत्तापूर पोलीस ठाण्यात या प्रकरणी गुन्हा दाखल करण्याची प्रक्रिया सुरू आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
