राज्य शासनाने जागतिक आयात-निर्यात धोरणाच्या अनुषंगाने माजी सनदी अधिकारी अपूर्व चंद्रा यांच्या अध्यक्षतेखाली टास्क फोर्स समिती स्थापन केली आहे. अमरावती येथे गुरुवारी आयोजित बैठकीत चंद्रा यांनी उद्योजकांना महत्त्वपूर्ण सूचना दिल्या.
.
अमेरिकेने भारतीय मालावर टॅरिफ लावून अडचणी निर्माण केल्या आहेत. या परिस्थितीत उद्योजकांनी पर्यायी बाजारपेठ शोधण्याचे आवाहन चंद्रा यांनी केले. राज्यातील निर्यातदार उद्योजकांच्या अर्थकारणावर झालेल्या परिणामांवर उपाययोजना सुचवण्यासाठी ही समिती कार्यरत आहे.
बैठकीला विभागीय आयुक्त डॉ. श्वेता सिंघल, जिल्हाधिकारी आशिष येरेकर, उद्योग सह संचालक निलेश निकम आणि एमआयडीसीचे व्यवस्थापकीय संचालक राम लंके उपस्थित होते. विभागातील पाच जिल्ह्यांतील निर्यातदार उद्योजक आणि व्यावसायिक दूरदृश्य प्रणालीद्वारे सहभागी झाले.
राज्य सरकारने ‘इज ऑफ डूईंग बिझनेस’ धोरणाच्या माध्यमातून उद्योजकांना विविध सुविधा उपलब्ध करून दिल्या आहेत. चंद्रा यांनी उद्योजकांना या सुविधांचा लाभ घेण्याचे आवाहन केले. निर्यात धोरणात आवश्यक बदलांसाठी सूचना देण्याचे आवाहनही त्यांनी केले.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
