नागपुरात एका विवाहित पुरुषाच्या अनैतिक कृत्यांचा पर्दाफाश झाला आहे. पत्नीने पतीचे व्हॉट्सअॅप हॅक करून त्याच्या गैरकृत्यांचा पुरावा गोळा केला. आरोपी अब्दुल शारिक कुरेशी उर्फ साहिल (३३) याला पोलिसांनी अटक केली आहे.
.
कुरेशी स्वतःला अविवाहित दाखवून अनेक महिलांशी मैत्री करत असे. त्यांना लग्नाचे आमिष दाखवून त्यांच्याशी शारीरिक संबंध प्रस्थापित करत असे. या वेळी तो गुपचूप त्यांचे अश्लील व्हिडिओ बनवत असे. नंतर या व्हिडिओंच्या आधारे महिलांना ब्लॅकमेल करत असे.
२०२१ मध्ये झालेल्या लग्नानंतर कुरेशी आपल्या पत्नीवरही अनैसर्गिक लैंगिक संबंधासाठी दबाव टाकत असे. त्याला तीन वर्षांची मुलगी देखील आहे. टेका नाका येथे पानठेला चालवणाऱ्या कुरेशीच्या पत्नीने एक दिवस त्याचे व्हॉट्सअॅप अकाउंट तपासले.
पतीचे इतर महिलांसोबतचे चॅट, आक्षेपार्ह फोटो आणि व्हिडिओ पाहून तिला धक्का बसला. एका अल्पवयीन मुलीचा छळ करत असल्याचेही तिला आढळून आले. त्यामुळे तिने सर्व डिजिटल पुरावे जमा केले आणि पाचपावली पोलिस ठाण्यात तक्रार दाखल केली. पोलिसांनी कारवाई करून आरोपीला अटक केली आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
