छत्रपती संभाजीनगर येथे वैद्यकीय शिक्षण व संशोधन विभागाच्या (डीएमईआर) परिचारिका भरती प्रक्रियेतील आरक्षणाविरोधात आंदोलन सुरू आहे. या भरतीत महिलांसाठी ८० टक्के तर पुरुषांसाठी २० टक्के जागा राखीव ठेवण्यात आल्या आहेत.
.
मेल नर्सेस बचाव समितीने जिल्हाधिकारी कार्यालयासमोर बेमुदत उपोषण सुरू केले आहे. पालकमंत्री संजय सिरसाट यांनी आंदोलकांची भेट घेतली. त्यांनी मुख्यमंत्री आणि संबंधित खात्याच्या मंत्र्यांसोबत चर्चा करून तोडगा काढण्याचे आश्वासन दिले.
आंदोलक सचिन खंदारे, दुर्गादास शिंदे आणि शंकर नाईकनवरे यांनी समान संधीची मागणी केली आहे. हे धोरण रद्द न केल्यास तीव्र आंदोलन करण्याचा इशारा दिला आहे.
शहरातील नर्सिंग महाविद्यालयांनी एक दिवसाचे बंद पाळून आंदोलनाला पाठिंबा दिला. शेकडो विद्यार्थी पावसात उपोषणस्थळी बसले आहेत. काही आंदोलकांची प्रकृती बिघडली आहे.
डीएमईआरच्या प्रादेशिक सहसंचालक शिल्पा दोमकुंडवार आणि वैद्यकीय महाविद्यालयाचे अधिष्ठाता डॉ. शिवाजी सुक्रे यांनी आंदोलकांशी चर्चा केली. मात्र तोडगा न निघाल्याने उपोषण सुरू आहे.
काँग्रेस, राष्ट्रवादी काँग्रेस, मनसे, वंचित बहुजन आघाडी, भिमशक्ती, एनएसयुआय, एआयएसएफ या संघटनांनी आंदोलनाला पाठिंबा दिला आहे. आंदोलन अधिक तीव्र होण्याची शक्यता वर्तवली जात आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
