दुचाकी लावत असताना तोल जाऊन पडल्याने तरुणाचा अंगावरून भरधाव वेगात जात असलेली एसटी बस गेल्याने दुचाकीस्वार तरुणाचा दुर्देवीरीत्या मृत्यू झाल्याची धक्कादायक घटना पर्वती पायथा परिसरात घडली. याप्रकरणी अज्ञात एसटी बसचालकावरिुद्ध पोलिसांनी हलगर्जीपणा केल्य
.
विजय गोपाळ गेजगे (रा. पर्वती पायथा,पुणे) असे या अपघातात मयत झालेल्या तरुणाचे नाव आहे.याबाबत गेजगे यांचा मित्र आशिष मारुती भालेराव (वय ३४, रा. जनता वसाहत, पर्वती पायथा) यांनी पर्वती पोलीस ठाण्यात आरोपी विरोधात फिर्याद दिली आहे. त्यांनी दिलेल्या तक्रारीनुसार, अनोळखी एसटी बसचालकाविरुद्ध गुन्हा दाखल करण्यात आला. पोलिसांनी दिलेल्या माहितीनुसार, दुचाकीस्वार गेजगे पर्वती पायथा परिसरातून रात्री जात होते. पर्वती पायथा परिसरात त्यांनी रस्त्याच्या बाजूला दुचाकी थांबविली. रस्त्याच्या कडेला ते दुचाकी लावत असतानाच, दुचाकी लावताना त्यांचा अचानक तोल गेला आणि ते रस्त्यावर पडले. त्याचवेळी पाठीमागून येणाऱ्या भरधाव एसटी बसचे चाक त्यांच्या दोन्ही पायांवरुन गेल्याने ते गंभीर जखमी झाले.गंभीर जखमी झालेल्या गेजगे यांना तातडीने नागरिकांनी जवळच्या रुग्णालयात दाखल केले.मात्र, उपचार दरम्यान त्यांचा मृत्यू झाला.या घटनेची माहिती मिळताच पोलिसंनी घटनास्थळी भेट दिली. अपघातानंतर घटनास्थळी न थांबता एसटी बसचालक पसार झाला असून त्याचा शोध घेण्यात येत आहे. सहायक पोलीस निरीक्षक राहुल नामदे पुढील तपास करत आहेत.
वाहनाच्या धडकेत सायकलस्वाराचा मृत्यू
हडपसर-सासवड रस्त्यावर वाहनाच्या धडकेत सायकलस्वार ज्येष्ठाचा मृत्यू झाल्याची घटना घडली. रवींद्र सिद्धप्पा माळगी (वय ६०, रा. वडकी) असे मयत झालेल्या सायकलस्वाराचे नाव आहे. याबाबत माळगी यांचा पुतण्या रोहित विजय माळगी (वय ३२, रा. वाघोली, नगर रस्ता) यांनी फुरसुंगी पोलीस ठाण्यात फिर्याद दिली आहे. पोलिसांनी दिलेल्या माहितीनुसार, रवींद्र माळगी हे सासवड रस्त्याने जात होते. त्यावेळी भरधाव वाहनाने रवींद्र माळगी यांना धडक दिली. गंभीर जखमी झालेल्या माळगी यांचा उपचारांपूर्वीच मृत्यू झाला. पोलीस उपनिरीक्षक कोमल जाधव पुढील तपास करत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
