एकीकडे भारत-पाकिस्तान सामन्याला मोठ्या प्रमाणावर विरोध होत असताना, दुसरीकडे पुण्यात पाकिस्तानी कलाकार समजून नेदरलँडच्या कलाकाराविरोधात आंदोलन करण्यात आल्याचा प्रकार पुण्यात रविवारी रात्री घडला. कल्याणी नगर येथे ‘सकल हिंदू समाज’च्या सदस्यांनी ‘बॉलर पब
.
पोलिसांनी दिलेल्या माहितीनुसार, बॉलर पबमध्ये रविवारी संध्याकाळी नेदरलँडचे नागरिक असणारे इम्रान नासिर खान यांच्या कार्यक्रमाचे आयोजन करण्यात आले होते. मात्र, तो पाकिस्तानी नागरिक असल्याच्या अफवा सोशल मीडियावर पसरल्यामुळे अनेक संघटनांचे कार्यकर्ते पबबाहेर जमा झाले आणि त्यांनी निदर्शने सुरू केली. पोलिसांनी सत्य परिस्थिती सांगितल्यानंतरही आंदोलकांनी हॉटेलमध्ये प्रवेश करणाऱ्या नागरिकांना अडवण्याचा प्रयत्न केला.
पोलिसांनी जमावाला पांगवण्यासाठी हस्तक्षेप केला असता, हॉटेलच्या बाउन्सरने काही कार्यकर्त्यांना मारहाण केल्याचा आरोप आहे, त्यामुळे गोंधळ आणखी वाढला. त्यानंतर पोलिसांनी कायदा आणि सुव्यवस्था बिघडू नये यासाठी 14 आंदोलकांना ताब्यात घेतले.
पोलिसांनी काय सांगितले?
याप्रकरणी माहिती देताना वरिष्ठ पोलिस निरीक्षक रवींद्र शेळके यांनी सांगितले की, बॉलर पबमधील कार्यक्रमात परफॉर्म करणारा तो कलाकार पाकिस्तानी नसून नेदरलँड्सचा नागरिक असल्याचे संघटनांच्या कार्यकर्त्यांना सांगण्यात आले. मात्र, तरीही काही लोकांनी पबमध्ये आलेल्या लोकांना अडवण्याचा प्रयत्न केला. त्यामुळे कायदा आणि सुव्यवस्था बिघडू नये यासाठी पोलिसांनी 14 कार्यकर्त्यांना घटनास्थळावरून ताब्यात घेतले. कोणत्याही अप्रिय घटनेपासून बचाव करण्यासाठी पोलिसांनी पबबाहेर अतिरिक्त पोलिस बंदोबस्त ठेवला आहे. अधिकाऱ्यांनी सांगितले की, कार्यकर्ते आणि पबमधील लोकांमध्ये बाचाबाचीही झाली, पण पोलिसांनी हस्तक्षेप केल्यानंतर परिस्थिती शांत झाली.
पोर्शे प्रकरणात चर्चेत आला होता बॉलर पब
दरम्यान, पुण्यातील बॉलर पब यापूर्वी पोर्श प्रकरणात चर्चेत आला होता. या प्रकरणातील अल्पवयीन आरोपी आपल्या मित्रांसोबत याच पबमध्ये दारू पीत असल्याचे पोलिस तपासातील सीसीटीव्ही फुटेजमधून समोर आले होते. तपासानंतर पोलिसांनी पबवर कारवाई केली होती, मात्र नंतर पब पुन्हा सुरू झाला.
हे ही वाचा…
पूजा खेडकरच्या आईचा नवा प्रताप:नवी मुंबईतून ट्रक चालकाचे अपहरण करून पुण्यातील घरात डांबून ठेवले; पोलिसांनी केली सुटका
निलंबित प्रशिक्षणार्थी आयएएस अधिकारी पूजा खेडकर यांची आई मनोरमा खेडकर यांचा आणखी एक प्रताप समोर आला आहे. ताज्या घटनेत मनोरमा यांनी नवी मुंबईतील एका किरकोळ अपघातानंतर ट्रक चालकाचे अपहरण करून त्याला आपल्या पुण्यातील घरात डांबून ठेवल्याची बाब समोर आली आहे. पोलिसांनी या प्रकरणी ट्रक चालकाची सुटका करून मनोरमा यांना समन्स बजावला आहे. सविस्तर वाचा…
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
