.
राष्ट्रवादी विद्यार्थी काँग्रेसच्या वतीने संपूर्ण महाराष्ट्रात ‘अजितपर्व विद्यार्थी संवाद दौऱ्या’ चे आयोजन करण्यात येत आहे. या उपक्रमांतर्गत विदर्भ विभाग अध्यक्ष माधुरी पालीवाल यांनी पातूर शहराला भेट देऊन विविध महाविद्यालयांमधील विद्यार्थ्यांशी संवाद साधला.
या दौऱ्यातून विद्यार्थ्यांच्या समस्या, अडचणी जाणून घेऊन त्या सोडवण्यासाठी प्रयत्न करणार असल्याचे राष्ट्रवादी विद्यार्थी काँग्रेसने स्पष्ट केले. विदर्भ विभागाच्या अध्यक्षा माधुरी पालीवाल यांनी आपल्या पातूर दौऱ्यात वंदनाताई जगन्नाथराव ढोणे आयुर्वेदिक महाविद्यालयात भेट देऊन विद्यार्थ्यांशी संवाद साधला. कार्यक्रमाला महाविद्यालयाचे संचालक डॉ. साजिद शेख, प्रा. धनंजय मिश्रा, राष्ट्रवादी विद्यार्थी काँग्रेसचे जिल्हाध्यक्ष उमेर अदनान, युवक अध्यक्ष नातिक शेख, विद्यार्थी नेते मोहम्मद फरहान अमीन, कार्यकर्ते राजेंद्र तिवासकर उपस्थित होते.
विद्यार्थ्यांनी मांडल्या समस्या विद्यार्थ्यांनी आपल्या समस्या मांडताना, महाविद्यालयीन सुविधांमध्ये वाढ करण्याची गरज, शिष्यवृत्ती वेळेत मिळावी, स्थानिक पातळीवर रोजगार संधी वाढाव्यात, महाविद्यालयातील आरोग्य सेवा अधिक सक्षम कराव्यात, अशा विविध मागण्या केल्या.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
