महायुती सरकारने भंडारा जिल्ह्याचे पालकमंत्री बदलले आहेत. यापूर्वी पालकमंत्री असलेले भाजप नेते आणि वस्त्रोद्योग मंत्री संजय सावकारे यांच्या जागी आता राज्यमंत्री पंकज भोयर यांची नियुक्ती करण्यात आली आहे. सावकारे यांचे एकप्रकारे डिमोशन झाले असून, त्यांन
.
संजय सावकारेंवर दबाव होता
आमदार नरेंद्र भोंडेकर म्हणाले, भंडाऱ्याचे पालकमंत्री पद सोडण्यासाठी मंत्री संजय सावकारेंवर दबाव होता. मागील दहा-पंधरा दिवसांपासून हे मी ऐकत होतो की, स्वतः पालकमंत्री संजय सावकारे हे भंडारा सोडण्यास इच्छुक होते. कारण त्यांना थोडाफार त्रास होत होता. काय त्रास होता या बाबतीत मी खोलात जाणार नाही. परंतु, ते पद सोडण्यास इच्छुक होते. त्यांनी दोन-तीन वेळेस पद सोडण्यासाठी आग्रह केला होता. मला भंडारा नको, मला इकडे त्रास होत आहे किंवा मला माझ्या जवळचा जिल्हा द्या, असे ते म्हणत होते. त्यांनी आग्रह केल्यामुळे कदाचित बदल झाला असेल.
पुढे बोलताना नरेंद्र भोंडेकर म्हणाले, मागच्या निधीत आम्हाला पाहिजे तसा निधी मिळत होता. मात्र, यंदा दबाव असल्याने तसा निधी मिळाला नाही. बाहेरच्या जिल्ह्यांच्या पालकमंत्री आला तर तो वेळ देऊ शकत नाही. आमची मागणी हीच आहे की पालकमंत्री हा स्थानिकच असावा. बाहेरचे लोक येऊन आम्हाला किती वेळ देऊ शकणार आहेत? स्थानिक आमदारांना कामच देऊ नका, असे जर पालकमंत्र्यांना सांगितले जात असेल तर ते चुकीचे असल्याचेही भोंडेकर यांनी म्हटले आहे.
कदाचित भंडारा जिल्हा त्यांना दूर पडत असावा- पंकज भोयर
भंडाऱ्याच्या पालकमंत्री पदावर वर्णी लागल्यावर पंकज भोयर म्हणाले, वरिष्ठ नेतृत्वाचे मी आभार व्यक्त करेल. मागील सहा ते सात महिन्यांपासून जे काम सुरू आहे त्याची दखल त्यांनी घेऊन माझी जबाबदारी वाढवलेली आहे. वरिष्ठ नेतृत्व मुख्यमंत्री देवेंद्र फडणवीस, प्रदेशाध्यक्ष रवींद्र चव्हाण यांनी दिलेल्या जबाबदारीची पूर्ण जाण ठेवून मी चांगल्या पद्धतीने भंडारा जिल्ह्यात येणाऱ्या काळात काम करून दाखवेल. संजय सावकारे यांचे देखील काम अतिशय चांगले आहे. कदाचित भौगोलिक दृष्ट्या त्यांना भंडारा जिल्हा दूर पडत असावा, त्यामुळे असा निर्णय घेतला असावा, असे भोयर यांनी म्हटले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
