पुणे आंतरराष्ट्रीय चित्रपट महोत्सवात एआयच्या क्षमतांचे अप्रतिम प्रात्यक्षिक पाहायला मिळाले. स्पेनचे प्रसिद्ध दिग्दर्शक पाको टोरेस यांनी प्रेक्षकांसमोर केवळ एक मिनिटात ‘चाय अँड सिक्रेट’ हा चित्रपट तयार केला.
.
टोरेस यांनी विविध एआय साधनांचा वापर करून हा चित्रपट साकारला. त्यांनी चॅट जीपीटीवर पटकथा लिहिली. पुण्यातील आजी आणि ताई या पात्रांची चित्रे एआयने तयार केली. मिडजर्नी प्लॅटफॉर्मवर व्हिडिओ तयार करून त्याला क्क्रेयावर उच्च दर्जाचे बनवले.
चित्रपटाच्या ध्वनिमुद्रणासाठीही एआयचा वापर करण्यात आला. क्लिंग प्लॅटफॉर्मवर पार्श्वसंगीत आणि पुण्यातील ध्वनी तयार केले. उडीओ आणि पिक्सिबेवरून सतारचे संगीत समाविष्ट केले.
पाको टोरेस यांनी एआयबद्दल महत्त्वाचे मत मांडले. ते म्हणाले की एआय हा आता अपरिहार्य झाला आहे, मात्र तो मानवी मेंदूला पर्याय ठरू शकत नाही. त्यांच्या मते, एआयमुळे चित्रपट क्षेत्राचे नुकसान न होता फायदाच होईल.
एआयच्या मदतीने बॉट, मशीन लर्निंग, टेक्स्ट, इमेज, ध्वनी, संगीत, व्हिडिओ, पॉडकास्ट, सबटायटल आणि प्रोग्राम कोड तयार करता येतात. टोरेस यांनी एक महत्त्वाचा संदेश दिला की एआय हा केवळ सहचालक आहे, चालक मात्र माणूसच आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
