पुणे पुस्तक महोत्सवासाठी फर्ग्युसन महाविद्यालयाच्या मैदानावर भव्य मांडव उभारणीचे काम वेगात सुरू आहे. राष्ट्रीय पुस्तक न्यासाच्या (एनबीटी) वतीने १३ ते २१ डिसेंबर या कालावधीत आयोजित या महोत्सवात आठशेहून अधिक नामांकित प्रकाशकांचे स्टॉल, बालगोपाळांसाठी ‘
.
देशभरातील साहित्यप्रेमींसाठी हा महोत्सव महत्त्वाचा ठरला आहे. आतापर्यंत आठशेहून अधिक स्टॉलचे बुकिंग झाले असून, १२ डिसेंबर रोजी संगणकाधारित लॉटरी पद्धतीने प्रकाशकांना स्टॉलचे वाटप केले जाईल. वाचकांच्या सोयीसाठी स्टॉलचे कलर कोडिंग करून प्रवेशद्वारावर माहिती दिली जाईल. मांडवात इंटरनेट-वायफाय, आसनव्यवस्था, पिण्याचे पाणी, सीसीटीव्ही कॅमेरे आणि पुस्तकांच्या प्रकाशनासाठी तसेच लेखक-वाचक संवादासाठी विशेष जागा उपलब्ध असतील.
पुण्याच्या वाचन संस्कृतीचे प्रतीक असलेले शनिवार वाड्याचे प्रवेशद्वार आणि पुस्तकरुपी बुरुज या महोत्सवाचे बोधचिन्ह भव्य प्रवेशद्वाराच्या स्वरूपात साकारले जात आहे. बालगोपाळांचा सहभाग वाढवण्यासाठी ‘चिल्ड्रेन कॉर्नर’मध्ये चित्रकला, शिल्पकला, लेखन-अभिनय यांसारख्या कला-साहित्य-संस्कृती-अध्ययनाच्या कार्यशाळा आयोजित केल्या जातील. ‘पुणे लिट फेस्ट’ यंदा अॅम्फी थिएटरमध्ये सहा दिवस साहित्यप्रेमींना अनुभवता येणार आहे. ‘फूड कोर्ट’मध्ये वीसहून अधिक खाद्यपदार्थांचे स्टॉल आणि ‘लाइव्ह म्युझिक’ची सोय असेल. वाचकांच्या वाहनांसाठी मोठ्या प्रमाणात पार्किंगची व्यवस्थाही करण्यात आली आहे.
पुणे पुस्तक महोत्सव संयोजन समितीने नुकतीच सहभागी प्रकाशकांची बैठक घेतली. महोत्सवाचे मुख्य संयोजक राजेश पांडे यांनी प्रकाशकांना व्यावसायिक सहभागासोबतच सामाजिक भान जपण्याचे आवाहन केले. ‘एनबीटी’चे अध्यक्ष मिलिंद मराठे, संयोजिका बागेश्री मंठाळकर आणि ज्येष्ठ पत्रकार अभय कुलकर्णी यांनी यावेळी मार्गदर्शन केले. दरवर्षीप्रमाणे यंदाही महोत्सवात अनेक नवीन पुस्तके आणि ग्रंथांचे प्रकाशन करण्यात येणार आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
