बेकादेशिररित्या स्पर्म व्हेल माश्याच्या उलटीची तस्करी प्रकरणात पुणे वन विभागाने तिघांना बेड्या ठोकल्या आहेत. यावेळी दोन किलो व्हेल माशाची उलटी जप्त करण्यात आली. त्याची आंतरराष्ट्रीय बाजारातील किंमत दोन कोटी रूपये आहे.
.
दि. २१ ऑगस्ट रोजी वनविभागाला व्हेल माशाची तस्करी करणारे आरोपी हे कोथरूड चांदणी चौकात येणार असल्याची माहिती मिळाली. त्यानुसार वनसंरक्षक आशिष ठाकरे, उपवनसंरक्षक महादेव मोहिते, विभागीय वनअधिकारी अमोल थोरा यांंच्या मार्गदर्शनाखाली पुणे वनविभागाचे वनसंरक्षक विशाल चव्हाण, वनपरिक्षेत्र अधिकारी मनोज बारबोले, वनपरिक्षेत्र अधिकारी ऋषिकेश चव्हाण यांच्या पथकाने चांदणी चौकात चार संशयीतांना ताब्यात घेतले. यावेळी त्यांच्याकडून दोन किलो व्हेल माशाची उलटी जप्त करण्यात आली. इनोव्हा कार मधून ही उलटी जप्त करण्यात आली. याच कारवाई दरम्यान एक आरोपी फरार झाला. याप्रकरणात स्पर्म व्हेल माशाची उलटी बाळगल्याप्रकरणी वन्यजीव संरक्षण अधिनियम १९७२ च्या विविध कलमान्वये गुन्हा दाखल करण्यात आला आहे. याप्रकरणी तिघांना अटक करून न्यायालयात हजर करण्यात आले असता त्यांना पोलिस कोठड सुनाविण्यात आली आहे.
स्पर्म व्हेल माशाची उलटीचा उपयोग प्रामुख्याने महागड्या परफ्यूममध्ये केला जातो. जास्त काळ टिकणार सुगंध तयार करण्यासाठी याचा वापर होतो.
ज्येष्ठ महिलेच्या घरातून चार लाखांचे दागिने चोरी
ज्येष्ठ महिलेच्या घरातून चार लाख २० हजार रुपयांचे दागिने लांबवल्याची घटना कोथरूडमधील डहाणुकर काॅलनी परिसरात घडली. या प्रकरणी ज्येष्ठ महिलेची काळजी घेण्यासाठी नेमलेल्या दोन कामगारांविरुद्ध अलंकार पोलिसांकडून गु्न्हा दाखल करण्यात आला आहे.
याबाबत एका महिलेने अलंकार पोलीस ठाण्यात फिर्याद दिली आहे. तक्रारदार महिलेची आई डहाणूकर काॅलनी भागात राहायला आहे. आई वृद्ध असल्याने काळजी घेण्यासाठी दोन कामगारांची नेमणूक करण्यात आली होती. कामगारांनी ज्येष्ठ महिलेच्या घरातील कपाटातून चार लाख २० हजार रुपयांचे सोन्याचे दागिने लांबवल्याची घटना नुकतीच घडली. दागिने लांबवल्यानंतर कामगार पसार झाले. त्यानंतर त्यांच्याविरुद्ध गुन्हा दाखल करण्यात आला. पोलीस उपनिरीक्षक गणेश दीक्षित पुढील तपास करत आहेत.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
