पुण्यातील प्रसिद्ध एफसी रोडवर ‘लव्ह जिहाद’चा पॅटर्न सुरू असल्याचा दावा भाजप आमदार गोपीचंद पडळकर यांनी केला आहे. काही स्थानिक मुलांनी आपल्याला ही माहिती दिल्याचे सांगत त्यांनी आरोप केला की, एफसी रोडवर एका मुलींच्या कपड्यांच्या दुकानाच्या माध्यमातून हा
.
गोपीचंद पडळकर म्हणाले, इतर ठिकाणी 400 रुपयांना मिळणारे कपडे या दुकानात केवळ 200 रुपयांना विकले जातात. त्यामुळे अनेक मुली स्वस्त दरामुळे तिथेच खरेदीसाठी जातात. जेव्हा एकाच ठिकाणी 100 पेक्षा अधिक मुली खरेदीसाठी येतात, तेव्हा त्यांना टार्गेट करण्यात येते. त्यांच्या मोबाइल नंबरची माहिती मिळवून, त्यांच्याशी संपर्क साधला जातो आणि त्यातील काही, विशेषतः चार-पाच मुलींना ‘लव्ह जिहाद’सारख्या जाळ्यात अडकवले जाते, असा गंभीर दावा पडळकर यांनी केला.
गोपीचंद पडळकर यांनी केलेल्या दाव्याने एकच खळबळ उडाली. परंतु, एफसी रोडवर व्यवसाय करणाऱ्या हिंदू व्यापाऱ्यांनी आपली भूमिका मांडत गोपीचंद पडळकर यांचा दावा फेटाळून लावला आहे. असा कोणताही प्रकार एससी रोडवर घडला असल्याचे अद्याप आमच्या निदर्शनास आलेले नाही. तसे घडले असते तर सर्वप्रथम इथल्या हिंदू व्यापाऱ्यांनी हे सर्व प्रकार हाणून पाडले असते, असे येथील हिंदू व्यापाऱ्यांनी म्हटले आहे. त्यामुळे पडळकर यांच्या दाव्यात तथ्य नसल्याचे त्यांनी म्हटले आहे.
हिंदू व्यापाऱ्यांनी फेटाळला दावा
आतापर्यंत या प्रकाराची कोणतीही अधिकृत तक्रार पोलिसांकडे दाखल झालेली नाही. एफसी रोड मार्केटमध्ये रोहिंग्या आणि बांगलादेशी नागरिक काम करत असल्याचा दावा काही हिंदू संघटनांकडून वेळोवेळी करण्यात आला आहे. मात्र, आजपर्यंत अशा कुठल्याही व्यक्तीचा प्रत्यक्ष ठावठिकाणा किंवा पुरावा मिळालेला नाही. या प्रकारच्या आरोपांमुळे स्थानिक व्यवसायांवर नकारात्मक परिणाम होत असल्याचे व्यापाऱ्यांनी सांगितले असून, त्यांच्या दैनंदिन व्यवहारावरही त्याचा विपरीत परिणाम जाणवत आहे.
एफसी रोड व्यापारी संघटनेचे अध्यक्ष शाम मारणे यांनी गोपीचंद पडळकर यांनी केलेले आरोप फेटाळून लावले असून ते म्हणाले, कोणतेही प्रकार घडल्याचे आमच्या निदर्शनास आलेले नाही. आम्ही लव्ह जिहाद सारख्या प्रकारास कोणताही थारा देणार नाही. जर कोणी व्यक्ती मुलींना आमिष दाखवून फसवत असतील, तर तो प्रकार निंदनीय आहे. मात्र, अशा कोणत्याही घटना आमच्या माहितीप्रमाणे घडलेल्या नाहीत.
पुढे बोलताना शाम मारणे म्हणाले, जर खरोखरच असे काही घडले असते तर त्या घटना माध्यमांमध्ये गाजल्या असत्या आणि पोलिसांकडेही त्याची नोंद असती. परंतु, पोलिसांकडे अशा स्वरूपाची कोणतीही तक्रार दाखल झालेली नाही. पडळकर जे म्हणतात तसा प्रकार घडत असेल तर त्यांनी तो थेट आमच्या निदर्शनास आणावा. आम्ही नक्कीच खबरदारी घेऊ, असे मारणे यांनी म्हटले आहे.
पोलिसांनी खबरदारी घेणे आवश्यक
यापूर्वी देखील एफसी रोड परिसरात बांगलादेशी किंवा रोहिंग्या नागरिकांच्या वावराबाबत आरोप झाले होते, मात्र पोलिस तपासात असे काही समोर आले नाही, अशी माहिती मारणे यांनी दिली. तसेच गेल्या अनेक वर्षांपासून आम्ही या ठिकाणी प्रामाणिकपणे व्यापार करत आहोत. मात्र, रात्री 10-11 नंतर उशिरा एफसी रोडवरील व्यापाऱ्यांनी दुकान बंद केल्यानंतर इतर भागातून काही व्यापारी येतात ते कोण असतात याबद्दल आम्हाला माहिती नाही. परंतु, पोलिसांनी खबरदारी घेणे आवश्यक असल्याचे शाम मारणे यांनी म्हटले आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
