वाहतुकीच्या नियमांचे उल्लंघन करत भरधाव वेगात जात असलेल्या टँकरने दिलेल्या धडकेत घरासमोर खेळणाऱ्या दीड वर्षांच्या मुलीचा गाडीखाली चिरडून दुर्देवी रित्या मृत्यू झाल्याची घटना खराडी भागात घडली. या प्रकरणी आराेपी टँकर चालकाविरुद्ध गुन्हा दाखल करण्यात आला
.
याबाबत मयत मुलीची आई रामकली पुष्पेन साकेत (वय 27, सध्या रा. चौधरी वस्ती, खराडी ) यांनी खराडी पोलीस ठाण्यात आराेपी विरोधात फिर्याद दिली आहे. त्यांनी दिलेल्या तक्रारीनुसार, टँकर चालक कृष्णा विलास कंधारे (रा. पठारे वस्ती, खराडी,पुणे) या आराेपीच्याविरुद्ध हलगर्जीपणे, निष्काळजीपणा करत वाहतूक नियमांचे उल्लंघन केल्याप्रकरणी गुन्हा दाखल करण्यात आला आहे. कंधारे याला ताब्यात घेऊन पोलिसांनी त्याला नोटीस बजावली आहे.
पोलिसांनी दिलेल्या माहितीनुसार, साकेत दाम्पत्य मूळचे उत्तर प्रदेशातील आहे. खराडी भागातील एका नियोजित गृहप्रकल्पात ते मजूरीचे काम करतात . बांधकाम मजुरांच्या वसाहतीत ते रहाण्यास आहेत. साकेत दाम्पत्याची दीड वर्षाची मुलगी ही घरासमोर खेळत होती. त्याचवेळी भरधाव पाण्याच्या टँकरच्या चाकाखाली अडकून तिचा मृत्यू झाला. पोलीस उपनिरीक्षक एस कोळपे पुढील तपास करत आहेत.
वाहनाचे रेडिएटर फूटून मुलगा जखमी
लाेहगाव परिसरात भालचंद्र काॅलनी ते युनिक इंटरनॅशनल स्कुल दरम्यान चेतन दिलीप शहाणे (वय- 40,रा.लाेहगाव,पुणे) हे त्यांचे ताब्यातील वाहन निष्काळजीपणे व बेदारकपणे चालवत हाेते. त्यावेळी त्यांच्या ताब्यातील वाहनाचे रेडीएटर फुटून त्यातील पाणी हे एका 12 वर्षीय मुलाच्या डाव्या पायावर पडून पाय गंभीररित्या भाजून पायाचे कातडे जळून त्याला गंभीर दुखापत झाली आहे. याप्रकरणी मुलाचे वडील अक्षद सुभाष गायकवाड यांनी आराेपी विराेधात विमानतळ पाेालीस ठाण्यात गुन्हा दाखल करण्यात आला आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
