पुणे शहरातील वेगवेगळ्या भागात घरफोडीच्या घटना वाढल्या आहेत. सिंहगड रस्ता पोलिसांनी घरफोडी करणाऱ्या सराईताला अटक केली. चोरट्याने आठ घरफोड्या केल्याचे तपासात उघडकीस आले आहे. चोरट्याने चोरीच्या पैशांमधून मोटार खरेदी केल्याचे निष्पन्न झाले आहे. त्याच्याक
.
रेवण उर्फ रोहन बिरू सोनटक्के (वय २४, रा. दिघी, आळंदी रस्ता) असे अटक करण्यात आलेल्या चोरट्याचे नाव आहे. सोनटक्केने सिंहगड रस्ता, उत्तमनगर, विमाननगर, भारती विद्यापीठ परिसरात घरफोडीचे आठ गुन्हे केल्याचे उघडकीस आले. शहरात घरफोडीच्या घटना वाढल्या आहेत. सिंहगड रस्त्यावरील आनंदनगर भागात सदनिकेचे कुलूप तोडून चोरट्याने ऐवज लांबविला होता. या गुन्ह्याचा तपास सिंहगड रस्ता पोलीस ठाण्यातील तपास पथक करत होते. घरफोडीचा गुन्हा घडल्यानंतर पोलिसांनी सीसीटीव्ही चित्रीकरण तपासले. तपासात सराइत चोरटा सोनटक्के याने घरफोडी केल्याची माहिती मिळाली. तो भोसरी परिसरातील दिघी रस्त्यावर थांबल्याची माहिती पोलीस कर्मचारी देवा चव्हाण, राहुल ओलेकर, निलेश भोरडे यांना मिळाली.
पोलिसांच्या पथकाने सापळा लावून त्याला पकडले. चौकशीत त्याने सिंहगड रस्ता भागात चार घरफोड्या केल्याची कबुली दिली, सिंहग़ड रस्त्यासह उत्तमननगर, विमाननगर, भारती विद्यापीठ परिसरात त्याने सदनिकांचे कुलूप तोडून ऐवज लांबविल्याचे उघडकीस आले. चोरलेल्या पैशांमधून त्याने मोटार खरेदी केल्याची माहिती तपासात मिळाली. त्याच्याकडून मोटार जप्त करण्यात आली आहे.
कोल्हापूर, नवी मुंबईत घरफोडीचे गु्न्हे
आरोपी रेवण उर्फ रोहन सोनटक्के हा सराईत चोरटा असून, त्याच्याविरुद्ध घरफोडीचे १७ गुन्हे दाखल झाले आहेत. पुणे, कोल्हापूर, नवी मुंबई, पुणे जिल्ह्यात त्याने घरफोडीचे गुन्हे केले आहेत. यापूर्वी पोलिसांच्या ताब्यातून पसार झाल्याप्रकरणी सोनटक्केविरुद्ध गु्न्हा दाखल झाला होता.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
