Pune Crime: पुण्यात एटीएम चोरीचा एक नवा फंडा उघडकीस आलाय. एटीएममधे फ्लॅप बसवून ग्राहकांची डेबिट रक्कम चोरणारी टोळी रंगेहाथ पकडण्यात आलीये. चोरीची पद्धत पाहून पोलिसही चक्रावून गेले आहेत. चोरीसाठीची ही मोडस ऑपरेंडी नेमकी काय आहे? चोर याचा वापर नेमके कसा करायचे? याबद्दल सविस्तर जाणून घेऊया.
पुण्यातील चोरांच्या नव्या क्लृप्तीने अंचबित झालेत. पुण्यातल्या कर्वेनगर भागात गेल्या काही दिवसांपासून एटीएममधून पैसे न येण्याच्या तक्रारी वाढल्या होत्या. पैसे खात्यातून डेबिट व्हायचे पण एटीएममधून मिळायचे नाहीत. याबाबत अनेक नागरिकांनी बँक आणि पोलिसात धाव घेतली. पोलिसांनी याचा सखोल तपास केला असता, पोलिसही च्रकावले. चोरीसाठी चोरांनी एक वेगळा पॅटर्न वापरल्याचं पाहायला मिळालं. एटीएम चोरीची मोडस ऑपरेंडी समजून घेऊया.
एटीएम चोरीची मोडस ऑपरेंडी
युपीतल्या दोन चोरांनी पुण्यातल्या कर्वेनगर भागात एटीएममध्ये फ्लॅप बसवला. एटीएमचे पैसे बाहेर पडतात बरोबर त्याच फटीत डक फ्लॅप बसवला. नागरिकांनी एटीएममधून पैसे काढताना हे पैसे त्या फ्लॅपमधून बाहेर पडायचे. नागरिकांना मात्र पैसै मिळायचे नाहीत. नागरिकांना वाटायचं काही तांत्रिक अडचणींमुळे पैसे आले नाहीत. एटीएममधून ग्राहक निघून गेल्यानंतर चोर त्या फ्लॅपमधून पैसे घेऊन पसार व्हायचा. मात्र पैसे खात्यातून डेबिट झाल्याचं लक्षात आल्यानंतर नागरिकांनी बँक आणि पोलिसात तक्रार केली. पोलिसांनी पाळत ठेवत, सखोल तपास केल्यावर युपीच्या दोघांना गजाआड केलं.
अजून गुन्ह्यांची उकल
पुण्यातीव कर्वेनगर पोलिसांनी एटीएममधे फ्लँप बसवून ग्राहकांची डेबिट रक्कम चोरणारी टोळी रंगेहाथ पकडलीय. हे दोन्ही युपीतले असून ते दोघेही फार शिकलेने नाहीत तरीही त्यांनी हे एटीएम चोरीचं तंञ नेमकं कसं अवगत केलंय याचाच पुणे पोलिसांना आश्चर्य वाटतंय. आता या दोन चोरांना पकडल्यानंतर त्यांच्याकडून अजून काही गुन्ह्यांची उकल होण्याची शक्यता आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
