
Purandar Farmers Gets Rich: पुरंदरच्या शेतकऱ्यांसाठी एक महत्त्वाची बातमी समोर येतेय. या भागातील शेतकरी कोट्यधीश होणार आहे. कसं काय? असा प्रश्न तुम्हालादेखील पडला आहे का? पुरंदर विमानतळ प्रकल्पासाठी घेतल्या जाणाऱ्या जमिनीच्या मोबदल्यात शेतकऱ्यांना आता केवळ रोख रक्कम नव्हे, तर ‘एरोसिटी’मध्ये विकसित करण्यात येणाऱ्या महागड्या भूखंडांचा 10 टक्के परतावा मिळणार आहे.
एरोसिटीमध्ये विकसीत होणाऱ्या भूखंडांचा भाव बाजारभावानुसार कोट्यवधी रुपयांपर्यंत जाऊ शकते. त्यामुळं शेतकऱ्यांना मोठा फायदा होणार आहे. पुरंदर विमानतळासाठी राज्य सरकारने पॅकेज जाहीर केले आहे. एकूण जमिनीच्या 10 टक्के जमीन एरोसिटीत देताना कोणत्या भागात हवी याबाबत नागरिकांशी चर्चा करु भूखंड दिला जाणार आहे.
बेघर होणाऱ्या सुमारे 500 शेतकऱ्यांना 250 चौरस मीटर जागा, चार पट आर्थिक मोबदला आणि पुन्हा जमीन मिळणार आहे. अल्पभूधारकांना एकत्रित ठिकाणी जमीन दिली जाईल. अल्पभूधारकांसाठी सामूहिक कंपनी तयार करून त्यांना उद्योग क्षेत्रात संधी दिली जाणार आहे. तेथे अन्न प्रक्रिया उद्योगासह अन्य उद्योग व्यवसायांना संधी मिळेल. हा प्रकल्प ‘नवीन पुणे’ घडवणारा ठरेल, असा विश्वास प्रशासनाकडून व्यक्त करण्यात येत आहे.
पुरंदर विमानतळासाठी 50 हेक्टर जमीन संपादन प्रश्न मिटला
पुरंदर विमानतळासाठी शंभर शेतकरी जमीन देण्यास तयार असल्याचे समोर येतेय. विमानतळासाठी सात गावातील शेतकऱ्यांकडून संमती पत्र प्राप्त झाले आहे. भूसंपादन कायदा महाराष्ट्र राज्य औद्योगिक विकास महामंडळ पुनर्वसन कायदा 2019 नुसार चौपट मोबदला मिळणार आहे. शेतकऱ्याच्या एकूण संपादित जमिनीच्या दहा टक्के विकसित जमीन शेतकऱ्यांना परत मिळणार आहे. मुख्यमंत्री देवेंद्र फडणवीस यांच्यासोबत झालेल्या बैठकीनंतर प्रशासनाकडून विमानतळ संपादन प्रक्रियेस गती मिळाली आहे.
पुरंदर विमानतळासाठी जमीन देणाऱ्या शेतकऱ्यांची येत्या 10 ते 15 दिवसांत संमती घेण्यास सुरुवात करण्यात येणार आहे. संमती देण्यासाठी शेतकऱ्यांना ठरावीक कालावधीची मुदत देण्यात येणार आहे. ही मुदत किती दिवसांची असेल हे सुद्धा लवकरच निश्चित करण्यात येणार आहे. त्यानंतर संयुक्त मोजणी केली जाईल. त्या पाठोपाठ दर निश्चितीनुसार पैसे वाटप केले जाणार आहेत. दरम्यान, उशिरा संमती दिल्यास चांगला मोबदला मिळेल, असा गैरसमज काही शेतकऱ्यांमध्ये निर्माण केला जात आहे. मात्र, संमती उशिरा किंवा लवकर दिली, तरी त्या सर्वांना एकच रक्कम देण्यात येणार आहे, असं अवाहन करण्यात येत आहे.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.