मागील महिन्यात मराठवाडा आणि पश्चिम महाराष्ट्रात झालेल्या अतिवृष्टीमुळे शेतकऱ्यांचे प्रचंड नुकसान झाले. शेतातील पिके वाहून गेली. अनेकांचे संसार उद्ध्वस्त झाले. या संकटात सापडलेल्या शेतकऱ्यांना मदतीचा हात देण्यासाठी ‘सोमेश्वर फाउंडेशन’ आणि ‘सनीज फूड्स’
.
‘सोमेश्वर फाउंडेशन’ आणि ‘सनीज फूड्स’ यांच्या वतीने दरवर्षी सर्वसामान्यांना दर्जेदार फराळ सवलतीच्या दरात उपलब्ध करून दिला जातो. हजारो नागरिक हा फराळ विकत घेतात आणि “ना नफा, ना तोटा” या तत्वावर जनसामान्यांची दिवाळी खऱ्या अर्थाने गोड करण्याचे भाग्य निम्हण परिवाराला लाभते.
या फराळ विक्रीतून जमा झालेल्या रकमेतील काही हिस्सा मुख्यमंत्री सहाय्यता निधीस देण्याचा संकल्प निम्हण परिवाराने केला होता. या आवाहनाला नागरिकांकडूनही मोठा प्रतिसाद मिळाला आणि तो संकल्प प्रत्यक्षात उतरला. मुख्यमंत्री देवेंद्र फडणवीस यांची भेट घेऊन सनी विनायक निम्हण यांनी धनादेश सुपूर्द केला.
‘अष्टभुजा’चे १ नोव्हेंबर रोजी सादरीकरण
भारतीय विद्या भवन आणि इन्फोसिस फाउंडेशन यांच्या संयुक्त विद्यमाने सांस्कृतिक प्रसार कार्यक्रमांतर्गत आयोजित ‘अष्टभुजा’ हा विशेष संगीत कार्यक्रम येत्या शनिवारी १ नोव्हेंबर २०२५ रोजी सायंकाळी ५.३० वाजता भारतीय विद्या भवन, सरदार महादेव बळवंत नातू सभागृह, सेनापती बापट रोड, पुणे येथे होणार आहे.
‘रूप बंदिश फाउंडेशन, पुणे’ प्रस्तुत हा कार्यक्रम सुंदर मराठी भावगीते आणि रागांमधील बंदिंशीं च्या माध्यमातून सादर करणार आहे. स्त्रीच्या नात्यांचा गोफ अशी या कार्यक्रमाची संकल्पना आहे. या कार्यक्रमात गायिका अंजली मालकर आणि मैत्रेयी बर्वे सादरीकरण करतील. त्यांना साथसंगत म्हणून मीनल नांदेडकर (हार्मोनियम) आणि भावना टिकले (तबला) सहभागी होणार आहेत.
कार्यक्रमाचे निवेदन अंजली दाणी करतील.‘अष्टभुजा’ हा कार्यक्रम संगीत, भावना आणि स्त्रीशक्तीचा संगम घडवणारा ठरणार असून रसिकांसाठी सर्वांसाठी प्रवेश विनामूल्य आहे, अशी माहिती भारतीय विद्या भवनचे मानद सचिव प्रा. नंदकुमार काकिर्डे यांनी दिली.
Doonited Affiliated: Syndicate News Hunt
This report has been published as part of an auto-generated syndicated wire feed. Except for the headline, the content has not been modified or edited by Doonited.
