digital products downloads

पैठण, फुलंब्री, सिल्लोडला भाजप-शिंदेसेनेत लढत‎: कन्नड, फुलंब्रीसह पैठणला महाविकास आघाडीत बिघाडी, वैजापुरातही युती नाही‎ – Chhatrapati Sambhajinagar News

पैठण, फुलंब्री, सिल्लोडला भाजप-शिंदेसेनेत लढत‎:  कन्नड, फुलंब्रीसह पैठणला महाविकास आघाडीत बिघाडी, वैजापुरातही युती नाही‎ – Chhatrapati Sambhajinagar News

पालिकांच्या निवडणुकीसाठी अर्ज भरण्याच्या शेवटच्या दिवशी अनेक ठिकाणी महायुतीसह महाविकास आघाडीत बिघाडी झाल्याचे दिसून आले. फुलंब्रीमध्ये ठाकरे गट व काँग्रेस पक्षाने पूर्ण जागेवर उमेदवार वेगवेगळे उभे केले आहेत. महायुतीमध्येही भाजपसह शिंदे गटाने वेगवेगळे

.

पैठणला भाजप-शिवसेना शिंदे गटाने वेगवेगळ्या चुली मांडल्या. ठाकरे गट स्वतंत्र लढणार असून, कॉँग्रेस-राष्ट्रवादी (शरद पवार गट) एकत्र लढणार आहे. वैजापुरातही युती झाली नाही. भाजप आणि शिंदे गट यांच्यात लढत होत आहे. सिल्लोडलाही भाजप- शिंदे गटाने वेगवेगळे पॅनल तयार केले आहेत. खुलताबादला राष्ट्रवादी काँग्रेस (अजित पवार गट), भाजप, शिवसेना (शिंदे गट) आणि एमआयएम हे सर्व पक्ष स्वबळावर मैदानात उतरले आहेत, तर काँग्रेस मात्र महाविकास आघाडीच्या छत्राखाली निवडणूक लढवत आहे.

सिल्लोड | येथे नगराध्यक्ष पदासाठी एकूण १७ उमेदवारांनी अर्ज दाखल केले. नगरसेवक पदाच्या २८ जागांसाठी २२९ उमेदवार रिंगणात उतरले. शिवसेना शिंदे गटाकडून माजी नगराध्यक्ष अब्दुल समीर अब्दुल सत्तार यांनी आमदार अब्दुल सत्तार यांच्या उपस्थितीत उमेदवारी अर्ज दाखल केला. वंचित बहुजन आघाडीकडून माजी नगराध्यक्ष बनेखा पठाण यांनी अर्ज दिला. शिवसेना उद्धव बाळासाहेब ठाकरे गटाकडून लखन अशोक सोनवणे यांनीही उमेदवारी अर्ज दाखल केला. रविवारपर्यंत नगराध्यक्ष पदासाठी ६ अर्ज आले होते. सोमवारी शेवटचा दिवस असल्याने सकाळपासूनच इच्छुकांची गर्दी तहसील कार्यालयात झाली होती. निवडणूक निर्णय अधिकारी नीलेश अपार आणि सहाय्यक अधिकारी कारभारी दिवेकर यांनी अर्ज स्वीकारण्यासाठी स्वतंत्र कक्ष ठेवले होते. अर्ज प्रक्रियेत गोंधळ होऊ नये म्हणून प्रशासनाने चोख व्यवस्था केली होती.

पैठण | पैठण नगर परिषदेच्या निवडणुकीसाठी उमेदवारी अर्ज दाखल करण्याच्या शेवटच्या दिवशी पैठणमध्ये अक्षरशः गर्दी उसळली होती. सकाळपासूनच उमेदवार आणि समर्थकांची लगबग सुरू होती. दुपारी तर कार्यालयाबाहेरच रांगा वाढू लागल्याने वातावरण अधिकच तापले. भाजप व शिंदे गटात वेगळ्या लढाईमुळे पैठणच्या निवडणुकीत अनिश्चितता आणि उत्सुकता वाढली असून, ठाकरे गट व कॉँग्रेस देखील वेगवेगळी लढत असल्याने पैठणमध्ये सध्या तरी चौरंगी लढत होणार असे दिसते.

Doonited Affiliated: Syndicate News Hunt

This report has been published as part of an auto-generated syndicated wire feed. Except for the headline, the content has not been modified or edited by Doonited.

Source link

Related posts

Leave a Reply

Your email address will not be published. Required fields are marked *

Uttarakhand News Doonited
Social media & sharing icons powered by UltimatelySocial
Instagram
WhatsApp